Mattiu 14:36 - Tedim Bible

³⁶ Ama puanmongteep beek a lawnkhak theih nadingun Jesuh kiangah ngen uh a, a puanmongteep a lawng mi khempeuh in damna a ngah uh hi.

Tedim Bible Revision 2017

³⁶ Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Mattiu 14:36 Referans Kwoze

Luka 6:19

Jesuh’ tung panin vangliatna paikhia-in mi khempeuh damsak ahih manin mi khempeuh in amah lawn’ ding a hanciam uh hi.

Marka 3:10

Amah in cina mi tampi damsakkhin ahih manin, Jesuh a lawntheih nadingun cina khempeuh in amah hong naih ciat uh hi.

Sawltak 3:16

Hih Jesuh min’ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesuh upna le ama min hangin hih mipa in dam sianthona a ngah ahi hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

Mattiu 14:35

Tua gam mite in Jesuh ahihlam a theih uh ciangin tua gam kiim khempeuhah thu zasak uh a, cina khempeuh Jesuh kiangah a hong paipih uh hi.

Marka 6:56

Khuapi, khuaneu, le khuakehte a a paina khempeuhah, mite in mihon kikhopna munah cinate hong pua uh a, a puanmongteep beek a lawnsak nading deihin Jesuh kiangah a thum uh hi. A puanmongteep a lawngkha mi khempeuh cidam pahpah uh hi.

Marka 8:22

Tua ciangin Bethsaida khua tung uh hi. Mi pawlkhat in Jesuh kiangah mittaw khat hong paipih uh a, amah a lawn nadingun a thum uh hi.