Mattiu 14:31 - Tedim Bible

³¹ Jesuh in zong a khut tawh Peter zamin len a, “Upna cingtaak lopa aw, bang ci-a hong tuaci muanlah na hi hiam?” a ci hi.

Tedim Bible Revision 2017

³¹ Jesu in zong a khut tawh Peter zamin len a, “Upna cingtaak lopa aw, bangci-a hong tua ci muanlah na hi hiam?” a ci hi.

Mattiu 14:31 Referans Kwoze

Late 138:7

Haksatna tuamtuamte ka thuak ciangin kei nong kem hi. A heh ka galte, kei’ tangin nong dosak a, na thahatna tawh kei na hong honkhia hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Piancilna 22:14

Tua ahih ciangin Abraham in tua mun pen, “Topa in hong sik hi,” ci-in min phuak a, tuni dongin Topa’ mual tungah hong kisik hi, a kici hi.

Mattiu 17:20

Jesuh in, “Na upna uh a cingtaak lohna hang ahi hi. Ahi taktakin note kiangah kong genin-ah: Ankam tang cia bang upna na neih nak-uhleh, hih mual kiangah, ‘Hih lai panin hua lai-ah kin in,’ ci le-uhcin kinkhia ding hi. Na hih theih loh uh khat zong om lo ding hi.

Marka 5:41

Tua ciangin numeino’ khut lenin, “Numeino aw, tho in,” a cihna, “Talitha kumi,” a ci hi.

Marka 1:31

Amah zong tua nu kiangah pai a, a khutin lenin a phongto hi. A natna dam a, a zinte zong a dozo pah hi.

Mattiu 16:8

Jesuh in hih amaute’ kihona thu thei ahih manin, “Upna neu mite aw, anlum na puak loh manun bang hangin kikum na hi uh hiam?

Isaiah 63:12

Moses tungtawnin a vangliatna zangin na lianpipi a sempa, ama mite’ mai-ah tuite khenkhamin, a minthan’ tawntung nadingin hih bang nate a sempa, tu-in koi-ah omta ahi hiam, ci uh hi.

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

Luka 24:34

“Topa hingkik khin takpi hi. Simon kiangah na kilak khinzo hi,” ci-in a kigengen laitak uh a tuak uh hi.

Marka 16:7

Tu-in pai unla, Peter le Jesuh’ nungzui dangte kiangah hih thu va gen un. Note tungah hong gensa bangin Galilee gam amaute mai-ah pai hi; tua lai-ah amah na mu ding uh hi, ci hi, ci un,” a ci hi.

Marka 11:23

Upna na neih nak-uhleh hih mual kiangah, ‘Na omna panin paikhia-in tuipi sung kidenna in,’ ci le-uhcin, na lungsim sung uhah uplahna om loin na gen bangun piang taktak ding hi, ci-in na up nak-uhleh, na cih bangun hong piang ding hi.

Marka 1:41

Jesuh in hehpihhuaisa ahih manin a khut zanin lawng a, “Nang kong damsak nuam hi,” a ci hi.

Mattiu 6:30

Tua ahih ciangin tuni-in hingin, a zing ciang mahin meikhukah a kikhultum lel hih gamlak lopate Pasian in puansilh guan ahihleh note hong lim guatzaw ding ahih manin na upna uh a neu mahmah ahi hi.

Thu-hilhkikna 32:36

Bang hang hiam cih leh amaute’ vang a beina le sila le sila a hilote a beina a muh ciangin Topa in a mite’ dikna kilangsak ding a, ama nasemte tungah hehpihna nei ding hi.

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

Mattiu 14:30

Ahi zongin huihpi nung a muh ciangin lau a, tui sungah tum dektak ahih manin, “Topa aw, hong hon in,” a ci hi.

Mattiu 14:32

Gunkuang tungah a kahtoh khit uh ciangin huihpi nung a dai hi.

Marka 4:40

Tua ciangin Jesuh in a nungzuite kiangah, “Bang hangin lau na hi uh hiam? Tu ciang dong upna nei nai lo na hi uh hiam?” a ci hi.