Mattiu 14:23 - Tedim Bible

²³ Mihonte a ciah khit ciangin thungen dingin mual tunglamah a paito hi. Khuamial ciangin Jesuh guakbek gamlakah om a,

Tedim Bible Revision 2017

²³ Mihonte a ciah khit ciangin thungen dingin mual tung lamah a pai to hi. Khuamial ciangin Jesu guak bek gamlak ah om a,

Mattiu 14:23 Referans Kwoze

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Marka 6:46

Amaute tawh a kikhen khit ciangin thungen dingin mualtungah a kahto hi.

Mattiu 26:36

Tua ciangin Jesuh a nungzuite tawh Gethsemane a kici munah pai-in amaute kiangah, “Hua lamah pai-in thu ka va nget kal sungteng hih lai-ah na om un,” a ci hi.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Luka 9:28

Hih thu a genkhit nipikal khat bang khit ciangin Jesuh in Peter, Johan, le James te sam a, mualtungah thungen dingin a paipihto hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Luka 3:21

Mi khempeuh a kituiphum khit uh ciangin Jesuh zong a kituiphum hi. Jesuh in thu a nget laitakin vantung kihong a,

Luka 5:16

Ahi zongin gamdaihna munah Jesuh paikhia-in thu a ngen hi.

Luka 9:18

Khatvei, Jesuh guak thungenin a om laitakin a nungzuite zong ama kiangah om uh hi. Jesuh in a nungzuite kiangah, “Mite in kei kua hi, hong ci uh ahi hiam?” ci-in a dong hi.