Mattiu 14:20 - Tedim Bible

²⁰ Mi khempeuh in ne-in a kham khit uh ciangin a khamvalte uh khawmkik uh a, paipel sawm le nih a dim hi.

Tedim Bible Revision 2017

²⁰ Mi khempeuh in ne-in a kham khit uh ciangin a khamvalte uh khawmkik uh a, paipel sawm le nih a dim hi.

Mattiu 14:20 Referans Kwoze

Paikhiatna 16:12

“Israel mite’ phunnate ka za khin hi. Amaute kiangah, ‘Khuamui ciangin note in sa na ne ding uh a, zingsang ciangin an na kham ding uh hi. Tua ciangin kei pen Topa na Pasian uh ka hihna na thei ding uh hi,’ ci in,” a ci hi.

Paikhiatna 16:8

Moses in, “Ama tungah na phunnate uh Topa in a zakna hangin, Topa in note’ tungah nitak an nek ding sa, zingsangin na kham tak uha na nek ding uh an hong piak ciangin - kote pen a bang hi mawk ka hi uh hiam? Note’ phunnate pen kote’ tung hi loin Topa’ tung ahi hi,” a ci hi.

Luka 9:17

Mi khempeuh in ne-in a khamkhit uh ciangin, a nungzuite in a kikhamval teng khawm uh a, paipel sawm le nih a dim hi.

Luka 1:53

Bangmah a nei lote tungah na manpha tampi pia a, mihaute, khuthawm guakin a paikhiasak hi.

Siampi Laibu 26:26

Keimah in note’ nuntakna an ka suksiat ciangin, an kicing lo ahih manin nupi sawm in meibung khat sungah na anlum uh emkhawm ding a, na anlum uh a tawitehin hong piakhia kik ding hi. Note in na ne ding uh a, na khamzo kei ding uh hi.

Johan 6:7

Filip in, “Ngun peek zanih tawh an i lei hangin tawmno bekin cing pan ding uh hi,” ci-in a dawng hi.

Mattiu 15:33

Nungzuite in, “Mihon hih zah i piak ding, hih gamlakah koi panin an ngah ding ihi hiam?” a ci uh hi.

Mattiu 5:6

Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lumkhop ding na nei kei uh hi. Sum thalawhte in zong a khamkhop ding uh thalawh zo lo uh hi.

Paunak 13:25

Thuman mi in a kham ding nei-in gilvah a, a gilo mi in nektawm ding nei loin a gil a kial hi.

Mattiu 14:21

Tua an a ne mite, numei le naupang simloh, pasal cingteng mi tul nga bang a pha hi.