Mattiu 14:1 - Tedim Bible

¹ Tua hun laitakin Galilee gam sungteng a uksawn kumpi Herod in Jesuh’ thu a za hi.

Tedim Bible Revision 2017

¹ Tua hun laitakin Galilee gam sungteng a uk sawn kumpi Herod in Jesuʼ thu a za hi.

Mattiu 14:1 Referans Kwoze

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.

Marka 8:15

Jesuh in, “Farisi-te’ silngo le Herod pawlte’ silngo kidawm un,” ci-in a hilhkhol hi.

Luka 23:15

Tua mah bangin Herod in zong ama mawhna mu lo a, eite kiangah amah hong puakkik hi. Hih mipa in sihna a thuak nadingin ama gamtatna bangmah om lo hi.

Sawltak 12:1

Hih hun pawl laitakin Herod Kumpipa in pawlpi mite pawlkhat bawlsiat ding kipan hi.

Luka 3:19

Ahi zongin, gam ukpa Herod in ama naupa’ zi Herodias a tenpihna hang le a gamtat hoih lohna a tuamtuamte’ hangin Johan in Herod a taii hi.

Mattiu 9:26

Hih thupiang tua gam khempeuhah a kizel hi.

Mattiu 9:31

Ahi zongin amaute paikhia uh a, tua gam sung khempeuhah hih thu a zasak uh hi.

Mattiu 13:58

Nazareth khuamite in amah a up lohna hangin tua khua-ah nalamdang tampi a bawl kei hi.

Luka 8:3

Herod’ khutnuai-a ulian Khuza’ zi Joanna, Susanna, le numei dang tampite hi uh a, amau’ neihsa tawh Jesuh le a nungzuite a huh uh hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.