Mattiu 13:54 - Tedim Bible

⁵⁴ ama khua-ah pai a, kikhopna inn sungah thu a hilh hi. Ama thugen a za mite in lamdangsa mahmah uh a, “Hih mipa in hih bang pilna koilai panin ngah a, bang hangin hih bang na lamdangte bawlthei ahi hiam?

Tedim Bible Revision 2017

⁵⁴ ama khua ah pai a, kikhopna inn sungah thu a hilh hi. Ama thugen a za mite in lamdang sa mahmah uh a, “Hih mipa in hih bang pilna koi lai panin ngah a, bang hangin hih bang nalamdangte bawl thei ahi hiam?

Mattiu 13:54 Referans Kwoze

Mattiu 7:28

Jesuh in hih a thugente a man khit ciangin, ama thugenna hangin mihonpite in lamdangsa mahmah uh hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 4:13

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Johan 1:11

A khua le a tui-ah va pai a, ahi zongin a khuapih a tuipihte in ama thugen na ngai lo uh hi.

1 SAMUEL MASA 10:11

Tua ciangin kamsangte tawh a gamtat khawmna, amah a theisa mi khempeuhte in a muh uh ciangin khatlekhat in, “Kish’ tapa’ tungah bang tung ahi hiam? Saul zong kamsang suak ahi hiam?” kici uh hi.

Luka 2:47

Amah in pilna tawh thu genin a dawnna a za mite khempeuh in lamdangsa mahmah uh hi.