Mattiu 13:5 - Tedim Bible

⁵ Pawlkhatte, suang a kitawphahna leidaina mun a tu hi. Lei thuk loin lum ahih manin a khaici popah hi.

Tedim Bible Revision 2017

⁵ Pawl khatte, suang a kitawphahna leidaina mun a tu hi. Lei thuk loin lum ahih manin a khaici po pah hi.

Mattiu 13:5 Referans Kwoze

Ezekiel 11:19

Amaute tungah lungsim thak le ngaihsutna thak ka pia ding hi. Amaute’ suang lungtang paihkhiat sakin mihing lungtang ka guan ding hi.

Ezekiel 36:26

Note sungah lungtang thak le lungsim thak kong guan ding a, na suang lungtang uh hong lakkhiatsakin mihing lungtang kong guan ding hi.

Mattiu 13:20

Suang kitawphah leilak a tu khaicite pen Pasian’ thu a zak ciangun lungdam takin a sangpahte a cihnopna ahi hi.

Zekhariah 7:12

Amaute in a lungsim uh suangtum bangin saksak uh a, Vanglian Topa in tanglai kamsangte’ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hinapi-in note in thutang, gu na suaksak uh a, thuman, a khial na suaksak uh hi.

Mattiu 13:4

Khaici a vawh ciangin pawlkhatte lo lai lam dungah tu a, vasate hong leengin a ne uh hi.

Mattiu 13:6

Ahi zongin ni hong sat ciangin ankungte in zung thuk kha zo lo uh ahih manin tua ankungnote vulin a keu hi.

Marka 4:5

Pawlkhatte leihoih a sah lohna mun, suang a kitawphah tung tu a, lei sah lo ahih manin thakhatin popah hi.

Marka 4:16

Mi pawlkhatte, khaici pawlkhat a tukna suang kitawphah leilak tawh kibang uh hi. Thu a zak phetun lungdam takin sang uh hi.