Mattiu 13:24 - Tedim Bible

²⁴ Tua ciangin Jesuh in thugentehna dang khat gen a, “Vantung ki-ukna pen bang tawh kibang hiam cih leh: A lo-ah taangci hoih a vawhpa tawh kibang hi.

Tedim Bible Revision 2017

²⁴ Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Mattiu 13:24 Referans Kwoze

Mattiu 25:1

“Tua hun ciangin vantung ki-ukna zia pen zinei thak pa a uap dingin a meivak uh tawh a pai nungak sawmte tawh kibang ding hi.

Mattiu 20:1

“Bang hang hiam cih leh vantung ki-ukna sung omzia pen a leenggah lo-ah na a sem ding a cial dingin zing tungin a kuankhia leenggah lo nei pa tawh kibang hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Mattiu 13:37

Jesuh in, “Taangci hoih a vawhpa pen Mihing Tapa ahi hi.

Luka 13:20

Tua ciangin Jesuh in, “Pasian’ Ukna bang tawh genteh leuleu ding ka hi hiam cih leh:

Luka 13:18

Tua ciangin Jesuh in, “Pasian’ Ukna bang tawh kibang a, bang tawh genteh ding ka hi hiam cih leh:

Mattiu 13:33

Tua ciangin thugentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

Mattiu 13:31

Tua ciangin Jesuh in thugentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipa’ hihna zia tawh kibang hi.

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 21:33

“Thugentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a honna ding tausang khat a lam khit ciangin lo khawhlawhte khawhlawh sakin gam dangah a pai hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.

Ezekiel 17:2

“Mihing ahi Ezekiel aw, Israel mite kiangah thugentehna khat gen inla,

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thangah awkin, salin hong kipaipih ding hi.

Isaiah 28:10

Bang hang hiam cih leh mal khat khit mal khat, gual khat khit gual khat, thu khat khit thu khat, cih bang hilel hi,” hong ci uh hi.

Mattiu 13:25

Ahi zongin zan khat, mite a ihmut kalun galte khat hong pai-in taang lakah tahum tang vawhin a paikhia hi.