Mattiu 12:7 - Tedim Bible

⁷ Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Tedim Bible Revision 2017

⁷ Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Mattiu 12:7 Referans Kwoze

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deihzaw hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Paunak 17:15

Migilote khahkhongna, thuman mite mawhsakna, a nih tuakin Topa in deih lo hi.

Sawltak 13:27

Jerusalem khua-a a teng mite le a makaite un Jesuh pen Honpa ahih lamtak na thei lo uh a, Sabbath nisimin a kisim niloh kamsangte’ thu zong na tel lo uh hi. Amaute in Jesuh na mawhsak uh ahih manin kamsangte’ thugente a manin hong tung hi.

Mattiu 22:29

Ahi zongin Jesuh in, “Note in Lai Siangtho thu ahi a, Pasian’ vangliatna ahi zongin thei lo na hih manun na ngaihsunkhial uh hi.

Late 94:21

Amaute in thuman mihoihte thah sawm uh a, a mawhbaang lo mite sihna thuaksak uh hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

Late 109:31

Bang hang hiam cih leh sih nading gimna a piapa’ khutsung pan a honkhia dingin mi cimawh pa’ taklamah amah hong ding hi.

JOB (Job) 32:3

Job’ lawm thumte tungah zong a heh suak hi. Bang hang hiam cih leh Job a dawnna ding uh thei lo uh ahih manin Pasian a khial tawh hong kibang hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.

Marka 12:33

Mite in a lungsim khempeuh, a pilna khempeuh, le a hatna khempeuh uh tawh Pasian itin, amau pumpi a it bangin a vengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupizaw takpi hi,” a ci hi.

Joshua 5:5

Hong paikhia mite khempeuh vun a ki-at khit hangin Egypt panin hong paikhiat khit uh sehnel gam lamkal a suak mite khempeuh a vun uh ki-at nai lo hi.