Mattiu 12:42 - Tedim Bible

⁴² Leitaw lam gam kumpinu in Solomon’ pilna thu a ngai dingin leitung phelkhat kantanin hong pai ahih manin thukhen ni ciangin amah in note mawhsakna thu hong gen ding hi. Note kiangah kong genin-ah: Tu mahmahin hih lai-ah Solomon sangin a lianzaw khat a om hi.

Tedim Bible Revision 2017

⁴² Leitaw lam gam kumpinu in Solomonʼ pilna thu a ngai dingin leitung phel khat kantanin hong pai ahih manin thukhen ni ciangin amah in note mawhsakna thu hong gen ding hi. Note kiangah kong genin ah: Tu mahmah in hih lai ah Solomon sangin a lian zaw khat a om hi.

Mattiu 12:42 Referans Kwoze

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

1 KUMPI MASATE 10:24

Tua ciangin Pasian in ama lungsim sunga a koih ama pilna a ngai dingin leitung mi buppi in Solomon’ omna zong uh hi.

1 KUMPI MASATE 5:12

Ama tungah a ciam bangin Topa in Solomon tungah pilna pia hi. Solomon le Hiram kilem uh a, amau tegel in thuciamna khat a bawl uh hi.

1 KUMPI MASATE 4:34

Mi khempeuh le leitung kumpi khempeuh sung panin Solomon’ pilna thu a ngai dingin ama pilna thu a zasate hong pai uh hi.

1 KUMPI MASATE 4:29

Pasian in Solomon’ tungah tehzawh lohin a thuk mahmah pilna le theihna, le genzawh loh lungsim zaina pia a,

1 KUMPI MASATE 3:28

Tua ciangin Israel mi khempeuh in kumpipa’ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in a om uh hi.

1 KUMPI MASATE 3:12

en in, nangma hong ngetna bangin kong pia ding hi. En in, nangma hun ma-in nang tawh a kibang a om loh nading le nangma khitah zong nang tawh a kibang hong khan loh nadingin pilna le theihna lungsim kong pia ding hi.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasempa hong pia in. Bang hang hiam cih leh hih a lian a tam na mite kua in ukzo ding ahi hiam?” a ci hi.

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khuamite in note mawhsakna thu hong gen ding uh hi. Note kiangah kong genin-ah: Tu mahmahin note kiangah Jonah sangin a lianzaw khat a om hi.

Mattiu 12:6

Note kiangah kong genin-ah: Tua biakinn sangin a lianzaw khat hih lai-ah hong om hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi galkhatah hong paisakin hong laksak ding ahi hiam?’ na cih theihna dingun tuipi gal-a om zong hi lo hi.