Mattiu 12:29 - Tedim Bible

²⁹ Mi khatpeuh in mi thahat khat pa’ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn-ah lutin a neihsate lathei pan hi.

Tedim Bible Revision 2017

²⁹ Mi khatpeuh in mi thahat khat paʼ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn ah lutin a neihsate la thei pan hi.

Mattiu 12:29 Referans Kwoze

Isaiah 49:24

A thahatpa’ kiang panin nate kilakhia zo ding a, thukhauh pa’ mat mite kihonkhia zo ding ahi hiam?

Marka 3:27

Mi thahatpa hencip masa lopi-in kuamah in mi thahatpa’ innsung pan a neihsate laksak zo lo ding hi. A hencip khit ciang bekin laksakzo pan bek ding hi.

1 JOHAN MASA 4:4

Ka it tate aw, note, Pasian’ mite na hi uh a, tua bang kamsang kineihkhemte a zokhin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Isaiah 53:12

Tua ahih ciangin amah pen miliante tawh nate ka hawmsak ding a, amah in mihatte tawh nate a hawm ding hi. Bang hang hiam cih leh amah in sihna dongin a nuntakna piakhia a, khialhna a nei mite tawh a kisim khawm hi. Ahih hangin amah in mi tampi’ mawhna pua a, khialhna a neite a dingin a thumsak hi.

Mattiu 12:28

Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

Mattiu 12:30

Kei hong pawlpih lo peuhmah keima lang hi uh a, kei hong kaihkhoppih lo peuhmah a thehthang ahi uh hi.