Mattiu 12:28 - Tedim Bible

²⁸ Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

Tedim Bible Revision 2017

²⁸ Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

Mattiu 12:28 Referans Kwoze

Luka 11:20

Note’ ngaihsut bang hi loin, ke’n Pasian’ vangliatna tawh dawite hawlkhia ka hih manin, note kiangah Pasian’ Ukna hun hong tungta ahihna phawk un.

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Mattiu 21:43

Tua ahih ciangin note kiangah kong genin-ah: Note pen Pasian hong ki-uksak nawn lo ding a, a kilawmin a gamta ding mite bek Pasian in uk ding hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Kolose 1:13

Amah in khuamial vangliatna panin eite hong honkhia-in, a lungmuanhuaina mun, a it a Tapa’ ukna sungah hong koih a,

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Marka 1:15

“A hunhoih hong tungta a, Pasian’ Uk ding hun hong kipanta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Luka 9:2

Tua ciangin Pasian’ Ukna thu a hilh ding le cinatnate a damsak dingin kuankhia sakin

Marka 16:17

A um mite tungah hih vangliatna limte kipia ding hi: Keima hangin dawi hawlkhia thei ding uh a, pau dangte pau thei ding uh hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Luka 10:11

‘Na khuasung uha leivui, ka khe tung uhah a hong bangte nangawn, note hilhkholhna-in ka nulkhia uh hi. Ahi zongin Pasian’ Uk nading hun a hong naina thu thei ta un,’ ci-in gen un.

Marka 11:10

A hong tung ding i pu David’ ukna, Pasian in thupha pia ta hen! Pasian phat un!” ci-in a awng uh hi.

Mattiu 12:18

“Keimah in ka teelsa ka nasempa, ka it mahmah, ka lungkimna pa en un. Keima Kha ama tungah ka pia ding a, Gentail mite tungah upna man a pulak ding hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 12:29

Mi khatpeuh in mi thahat khat pa’ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn-ah lutin a neihsate lathei pan hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.