Mattiu 12:24 - Tedim Bible

²⁴ Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Tedim Bible Revision 2017

²⁴ Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawl khia hi lel hi,” a ci uh hi.

Mattiu 12:24 Referans Kwoze

Marka 3:22

Jerusalem khua pan a hong pai Thukham hilh siate pawlkhat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Mattiu 9:34

Ahi zongin Farisi mite in, “Dawimang lianpen pa min tawh hih bangin dawi a hawlkhia ahi hi,” a ci uh hi.

Luka 11:15

Ahi zongin mi pawlkhat in, “Dawimangpa Beelzebul in dawi hawlkhiat theih nading vangliatna ama tungah a pia ahi hi,” a ci uh hi.

Mattiu 9:32

Tua mi nihte a paikhiat laitakun mi pawlkhat in dawi a veina hangin a pauthei lo mi khat, Jesuh kiangah a hong paipih uh hi.

Mattiu 10:25

Tua ahih manin sang naupangte pen a siapa uh tawh a kibat uhleh a lungkim ding uh hi a, silate pen a tote uh tawh a kibat uhleh a lungkim ding uh ahi hi. Innteek lutang pa pen Beelzebul hong ci uh ahihleh a innkuanpih mite tua sangin min siazaw tawh hong kozaw lai ding uh hi lo ahi hiam?

Luka 11:14

Jesuh in a pau thei lo mi khat sung panin dawi hawlkhia a, dawi a paikhiat khit ciangin a mipa pauthei a, mite in lamdang a sa mahmah uh hi.

Late 109:20

Hih bang teng pen keimah hong mawhsakte’ tung, kei hong gensiate’ tungah Topa’ kiang pan a thaman hi tahen.