Mattiu 12:2 - Tedim Bible

² Farisi mite in a muh uh ciangin Jesuh kiangah, “En in, Sabbath ni-in i hih dingin a kilawm lo gamtatna na nungzuite gamta uh hi,” a ci uh hi.

Tedim Bible Revision 2017

² Farisi mite in a muh uh ciangin Jesu kiangah, “En in, Sabbath ni-in i hih dingin a kilawm lo gamtatna na nungzuite gamta uh hi,” a ci uh hi.

Mattiu 12:2 Referans Kwoze

Mattiu 12:10

Tua lai-ah a khut langkhat a zaw mi khat a na om hi. Jesuh gamta khial hi, ci-in a mawhna a zong nuam mi pawlkhat tua lai-ah om uh ahih manin tua mite in Jesuh kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Luka 14:3

Jesuh in zong Thukham hilh siate le Farisi mite kiangah, “Sabbath ni-in cina damsak ding i Thukham in hong hiam, khak hiam?” ci-in a dong hi.

Luka 23:56

Tua ciangin amaute ciah uh a, Jesuh’ luang a nuh dingun paknamtui le sathau a bawlkhol uh hi. Thukham zui-in Sabbath ni tawlnga-in a om uh hi.

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,

Paikhiatna 35:2

Ni guk sungin nasep kiman ding a, ahih hangin a ni sagih ni-in thupi-a tawlngakna Sabbath siangtho Topa’ tungah na nei ding uh hi. Tua ni-in na khat peuhpeuh a sem peuhmah kithat ding hi.

Paikhiatna 23:12

“Ni guk sung na nasep uh na sem ding uh hi. Ahih hangin na bawngtal le na la in tawlngakna a neih theih nading le, na nasem numei’ tapa le khual mite in thathak a ngah theih nadingin a ni sagih ni-in na tawlnga ding uh hi.

Mattiu 12:3

Jesuh in amaute kiangah, “David le a kikholhpihte a gilkial laitakun David’ gamtatna thu sim ngei lo na hi uh hiam?

Marka 2:24

Tua ahih ciangin Farisi mite in Jesuh kiangah, “Bang hangin Sabbath ni-in gamtat loh dingpi, na nungzuite gamta uh ahi hiam?” a ci uh hi.

Luka 6:2

Amaute lakah a om Farisi mite pawlkhat in, “Sabbath ni-in i hih dingin a kilawm lo gamtatna bang hangin gamta na hi uh hiam?” a ci uh hi.