Mattiu 11:29 - Tedim Bible

²⁹ Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Tedim Bible Revision 2017

²⁹ Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Mattiu 11:29 Referans Kwoze

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

1 JOHAN MASA 2:6

Pasian tawh ka kipawl hi, a ci mi khempeuh, Jesuh Khrih a gamtat bangin a gamtat ding ahi hi.

Johan 13:15

Note tungah ka hong gamtat bangin note na gamtat theih nadingun a lim a hong lak ka hi hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Filippi 2:5

Note in Jesuh Khrih lungsim puakzia na nei un. Tua lungsim puak zia in:

Gamlak-vakna 12:3

Moses a lungnem mahmah hi a, leitung a om mi khempeuh sangin a lungnemzaw ahi hi.

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

2 KORIN NIHNA 10:5

Mite’ ngaihsutna a man lote ka thalnial gawpzo uh a, Pasian’ thu theih nading a khaktan thei nate ka susiagawp uh a, mi khempeuh’ ngaihsutna zo gawpin Khrih’ thu a mang dingin ka bawl uh hi.

1 THESALONIKA MASA 4:2

Bang hang hiam cih leh Topa Jesuh min tawh ka hong thuhilhnate uh na theihsa uh ahi hi.

Johan 13:17

Hih thu thei-in na zuih uhleh na lung uh nuam mahmah ding hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

1 KORIN MASA 9:21

Tua mah bangin Jew mite’ Thukham in a huam loh Gentail mite lakah na ka sep ciangin amaute ka ngahzawh nadingin Gentail mite bangmahin ka gamta hi. Hih bangin ka gen ciangin Pasian’ thukham a zui lo, cihna hi loin Khrih’ thukham zui-in a gamta ka hi hi.

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note a’ ding kamsang khat hong sawl ding hi,’ a ci pa ahi hi.

Luka 8:35

Hih thupiang a en dingin mite hong pai uh a, Jesuh kiang a tun uh ciangin dawi a paikhiatna mipa Jesuh kiangah omin, puan silhin, a pilkikna thu a muh uh ciangin a vekpi-un lamdangsa-in a lau uh hi.

Late 131:1

Topa aw, ka lungsim kiliansak nawn lo a, kei ka kihisak nawnkei hi. Kei a dingin a lianlua le a lamdang luate ngaihsutin ka nei kei hi.

Late 116:7

Lungmuang takin ka om ding hi; bang hang hiam cih leh keima tungah Topa hong thunuam hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Isaiah 28:12

Topa in note tungah tawlngakna le lungnopna hong pia napi-in, note in ama thu na ngai kei uh hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

2 KHANG TANGTHU NIHNATE 10:11

Tu-in ka pa in note tungah vangik hong suatna-ah keimah in na vangik uh ka behlap ding hi. Ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,’ ci in,” a ci uh hi.