Mattiu 11:17 - Tedim Bible

¹⁷ ‘Lam nading khuang kong tumsak uh hangin na lam nuam kei uh a, kah la ka sak uh hangin lah na kap nuam tuan kei uh hi,’ a kicite tawh a kibang uh hi.

Tedim Bible Revision 2017

¹⁷ ‘Lam nading khuang kong tumsak uh hangin na lam nuam kei uh a, kah la ka sak uh hangin lah na kap nuam tuan kei uh hi,’ a kicite tawh a kibang uh hi.

Mattiu 11:17 Referans Kwoze

Isaiah 30:29

Ahi zongin no Pasian’ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn-ah a pai dingin tamngai aw ginna zui-in a kuankhiate bangin na lungdam ding uh hi.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Jeremiah 31:4

Aw, nungak siangtho Israel aw, nang kong bawlpha kik ding hi. Na khuangte na man kik ding a, a gualnuamte’ lamna-ah na va kihel ding hi.

Mattiu 9:23

Jew mi ulianpa’ inn-ah Jesuh a tun ciangin tamngai tum mite le mihonpi a gamlum henhan a muh ciangin,

1 KUMPI MASATE 1:40

Tua ciangin mi khempeuh ama nungah pai-in tamngaikop tum uh a, nakpitakin lungdam uh a, amau’ gamlumna in lei a thawnkham hi.

Luka 15:25

“Tua laitakin a tapa uzaw pen lo kuan hi a, vaiciah inn hong tun kuan ciangin lamna le lasakna gingte a za hi.

Piancilna 50:10

Amaute Jordan gun galkhat, Atad’ buhcilna phual a tun uh ciangin, nakpitakin dahna tawh a thuum uh hi. Amah in a pa’ hangin ni sagih sung dahna hun a bawl hi.

Mattiu 11:16

“Ahi zongin tuhun mite bang tawh genteh ding ka hi hiam cih leh: Mihon omna lamkabomah a tu naupang a kimawlte tawh kibang uh hi. Naupang honkhat in a lawmte kiangah,

Mattiu 11:18

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Luka 7:32

Mihon omna lamkabomah a tu naupang a kimawlte tawh kibang uh hi. Naupang honkhat in a lawmte kiangah, ‘Lam nading khuang kong tumsak hangun na lam nuam kei uh a, kahna la ka sak hangun lah na kap nuam tuan kei uh hi,’ a cihte tawh a kibang uh hi.

Luka 8:52

Tua lai-a om mi khempeuh, tua numeino’ sihna hangin kapin, thumin na om uh hi. Ahi zongin Jesuh in, “Kap nawn kei un, amah a si hi lo hi; a ihmu bek ahi hi,” a ci hi.

Luka 23:27

Jesuh’ nung zui-in mi tampi tak pai uh a, tuate lakah Jesuh kahin a tamlawh numei pawlkhat zong a kihel hi.