Mattiu 10:7 - Tedim Bible

⁷ Na paina peuh uhah, ‘Vantung ki-ukna hong naita hi,’ ci-in thu va hilh un.

Tedim Bible Revision 2017

⁷ Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Mattiu 10:7 Referans Kwoze

Sawltak 28:31

Amah in Pasian’ Ukna thu le Topa Jesuh Khrih’ thu, hangtakin a ututin genin a hilh hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Luka 9:60

Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.

Mattiu 4:17

Tua hun a kipan Jesuh in thuhilh ding kipan a, “Vantung ki-ukna hong naita ahih manin kisikin na omzia uh kheel un,” ci-in thu a hilh hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Luka 9:2

Tua ciangin Pasian’ Ukna thu a hilh ding le cinatnate a damsak dingin kuankhia sakin

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Marka 6:12

Tua ahih ciangin amaute kuankhia uh a, mite a mawhna panun a kisik nadingun thu a hilh uh hi.

Sawltak 10:25

Peter hong tun ciangin Kornelias in na dawn a, a khe kiangah bokin a bia hi.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesuh thokik hi, ci-in mite kiangah thu hilh uh ahih manin nawngkai a sa uh hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Luka 9:6

Nungzuite zong kuankhia uh a, khua khempeuhah pai-in Lungdamna Thu hilh uh a, a paina khempeuh uhah cinate a damsak uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 21:43

Tua ahih ciangin note kiangah kong genin-ah: Note pen Pasian hong ki-uksak nawn lo ding a, a kilawmin a gamta ding mite bek Pasian in uk ding hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Mattiu 11:1

Jesuh in a nungzui sawm le nihte a vaikhakna a man khit ciangin tua kiimnai-a om khuate-ah thuhilh ding le thugen dingin tua mun panin a paikhia hi.

Mattiu 10:8

Cinate damsakin, misite hingsakin, miphakte damsakin, dawite va hawlkhia un. Man piak kul loin hih vangliatna na ngah uh bangin hih vangliatna na zatna uhah zong man va ngen kei un.