Mattiu 10:37 - Tedim Bible

³⁷ “Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

Tedim Bible Revision 2017

³⁷ “Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Mattiu 10:37 Referans Kwoze

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte, le ama pumpi mahmah a nial ngam kei leh keima nungzui suak thei lo ding hi.

Mattiu 22:37

Jesuh in, “Na Topa Pasian na lungsim khempeuh, na nuntakna khempeuh, le na pilna khempeuh tawh na it ding hi, cihna ahi hi.

Thu-hilhkikna 33:9

A nu le a pa sangin nangmah hong thupi ngaihsutzaw uh a, ‘Amaute ka thupi sim kei hi,’ a ci pa ahi hi. Amah in a sanggamte paaikhia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Mattiu 22:8

Tua ciangin a nasemte kiangah, ‘Mopawi an a baihsa-in om a, ahi zongin ka sap mite a ne dingin a kilawm lo mi a suak uh hi.

Luka 20:35

Ahi zongin sihna panin thokikin a hong tung ding hunah a nungta dingin a kilawm mite in kitenna cihte nei lo uh hi.

Mangmuhna 3:4

Ahi zongin Sardis khuasunga om note lakah a puan a ninsak nai lo tawmkhat na om uh hi. Tua bang mite kilawm uh ahih manin kei tawh puanpak silhin ka tonkhawm ding uh hi.

1 SAMUEL MASA 2:29

Tua ahih ciangin bang hangin keimah hong kibiaknate le ka thupiak ahi keimah hong kipiakte thusim loin, keima mi Israel-te’ piak a limci pen teng tawh note kithausakin, kei sangin na tapate pahtawi zaw na hi hiam?’ ci hi.

Zekhariah 13:3

Mi khatpeuh kamsang a kineihlai teitei leh, a pianna a nu le a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei le, a nu le a pa mahmah in tem tawh sunlum ding uh hi.

Piancilna 21:11

Ama tapa’ hangin Abraham’ tungah thu nuam het lo hi.