Mattiu 10:17 - Tedim Bible

¹⁷ Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

Tedim Bible Revision 2017

¹⁷ Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Mattiu 10:17 Referans Kwoze

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Sawltak 26:11

Kikhopna inn khempeuhah amaute gim ka thuaksak zelzel a, a thu upnate uh ka khawlsak hi. Amaute tungah hehlua mahmah ka hih manin gamdang nangawnah pai-in thu umte ka bawlsia hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Sawltak 22:19

Kei zong, ‘Kikhopna innte-ah pai kawikawi-in nangma thu hong um mite manin ka satgawpna thu amaute mahmah in teltakin hong thei uh hi.

Micah 7:5

Na vengte’ thu upin nei kei inla, na lawmte zong muanin nei kei in. Na ang a lum na zi kiang nangawnah thu na gen ding kidawm in.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

2 TIMOTI NIHNA 4:15

Amah in i thuhilhna nakpitakin nial ahih manin amah tawh kisai-ah nangma pumpi kidawm mahmah in.

Filippi 3:2

Ui bangin a miginalo, a gitloh gamtat, vun at ding a ci teiteite kiang panin na kidawm un.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bangcih ding ihi hiam?

Marka 13:12

Unau khatlekhat a sih nadingun kikhia ding uh a, pa in a ta khia-in, ta in a nu le a pate khia-in a thatsak ding uh hi.

Mattiu 26:59

Siampi liante le uliante in Jesuh a thahtheih nadingun zuau teci a pang ding mi a zong uh hi.

Sawltak 17:14

Tua ciangin thu um mite in tuipi gei-ah Paul paikhiatpih uh a, ahi zongin Silas le Timoti pen Berea khua-ah a taam lai uh hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihing kiksak ding hi,” ci-in a tuamin thu a hilh hi.

Mattiu 10:18

Keima hangin gam ukte le kumpite mai-ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gentheih nading hunhoih a nei na hi uh hi.

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.