Mattiu 10:14 - Tedim Bible

¹⁴ Inn khat peuhpeuh in ahi a, khua khat peuhpeuh in ahi zongin note hong tunsaknop kei a, na thugen uh hong ngaihnop kei leh tua lai panin paikhia unla, na khe uha leivui bangte sinkhiat un.

Tedim Bible Revision 2017

¹⁴ Inn khat peuhpeuh in ahi a, khua khat peuhpeuh in ahi zongin note hong tunsak nop kei a, na thugen uh hong ngaih nop kei leh tua lai panin paikhia unla, na khe uh a leivui baangte sinkhiat un.

Mattiu 10:14 Referans Kwoze

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui bangte sinsanin, “Pasian tawh kikhenin siatna na tuah uhleh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn le a neihsa panin Pasian in singkhia tahen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Hi ta hen,” ci uh a, Topa a phat uh hi. Tua hi a, a ciamsa bangun mite a gamta uh hi.

Sawltak 13:51

Sawltakte in zong a khe uha leivui bangte sinkhiat sanin Ikonium khua-ah a pai uh hi.

Luka 9:5

A inn uhah a hong tunsak nop lohna khua peuhpeuh panin na paikhiat uh ciangin amaute hilhkholhna-in na khe uha leivui bangte sinsan un,” ci-in a vaikhak hi.

Marka 6:11

Na paina uh khua khatpeuh in note hong sang loin, na thuhilhna uh hong ngaihnop kei uhleh, tua khua nusia-in, na khe uha leivui bangte sinsan un. Tua pen amaute a dingin hilhkholhna ahi hi,” ci-in a vaikhak hi.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Marka 9:37

“Keima hangin hih bang naupangno khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

Mattiu 10:13

Tua na hopihna uh innsunga mite in note hong tunsaknop leh na hopihna thupha uh amaute tungah kip ding a, ahi zongin hong tunsaknop kei uhleh na hopihna thupha uh na dokkik ding uh hi.