Mattiu 1:22 - Tedim Bible

²² Topa in kamsangpa tungtawnin a gensa thu a tun theih nadingin hih thute a piang ahi hi. Tua a genna-ah,

Tedim Bible Revision 2017

²² Topa in kamsang pa tungtawnin a gen sa thu a tun theih nadingin hih thute a piang ahi hi. Tua a genna ah,

Mattiu 1:22 Referans Kwoze

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

1 KUMPI MASATE 8:15

Tua ciangin amah in, ”‘Egypt panin ka mi Israel-te ka paikhiatpih a kipanin keima min a om theih nadingin biakinn khat lamna ding Israel minam khempeuh sungah khuapi khat zong ka teel kei hi. Ahih hangin ka mi Israel-te tungah a uk dingin David ka teel hi,’ ci-in ka pa David tungah a kam tawh a ciamsa a tungsak Israel Pasian, Topa in thupha ngah tahen.

Sawltak 3:18

Ama Khrih in a thuak nading thu, Pasian in tanglai pekin kamsangte khempeuh tungtawnin genkhol a, tu-in hih bangin a thugen kholhna a hong tungsak ahi hi.

1 KUMPI MASATE 8:24

Na nasem ka pa David tungah na gensa thu na kipsak hi. Nangmah in na kam tawh na gen a, tuni-in na tungsak hi.

Johan 18:9

Hih bang a cihna pen, “Kei na hong piaksate khat zong ka kisamsak kei hi,” ci-in a thugenna a tun nading ahi hi.

Mattiu 13:35

Hih bangin thugentehna a zatna pen kamsang Isaiah in, “Thugentehna zangin thu ka gen ding a, leitung piancil a kipan a kithei lo thute ka gen ding hi,” ci-in a genkholhsakna thu a tun nading ahi hi.

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 15:25

Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Mattiu 13:21

Ahi zongin amaute sungah thuktum zo lo ahih manin tawlkhat sung bek um uh hi. Tua ahih manin Pasian’ thu hangin haksatna ahi a, bawlsiatna ahi zongin khat peuhpeuh a tun ciangin tawpkikpah uh hi.

Mattiu 2:15

Herod a sih hun ciang dong tua gamah a va om uh hi. Kamsangpa tungtawnin Topa in, “Egypt gam panin ka Tapa ka samkhia hi,” ci-in a genna thu a tun nadingin hih bangin a piang ahi hi.

Mattiu 8:17

Kamsang Isaiah in, “Amah in eite’ natna teng thuakin, eite’ gimna teng puakhia hi,” ci-in a genna thu a tun nadingin hih bang a piang ahi hi.

Mattiu 5:17

“Moses Thukham le kamsangte’ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amaute’ hilhna a kicingsak dingin a hong pai ka hizaw hi.

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.

ROM (Romans) 1:2

Pasian in kamsangte tungtawnin hih Lungdamna Thu a gensa hi a, Lai Siangtho sungah a omsa thu ahi hi.