Mattiu 1:18 - Tedim Bible

¹⁸ Jesuh Khrih a hong suahna zia hih bang ahi hi. Mary pen Josef a dingin zuthawl piaksa hi a, ahi zongin a kiten taktak ma-un Kha Siangtho in amah a gaisakna thu Mary in a thei hi.

Tedim Bible Revision 2017

¹⁸ Jesu Khris a hong suahna zia hih bang ahi hi. Mary pen Josef adingin zuthawl piak sa hi a, ahi zongin a kiteen taktak ma-un Kha Siangtho in amah a gaisakna thu Mary in a thei hi.

Mattiu 1:18 Referans Kwoze

JOB (Job) 14:4

Mihing banga a ninte sung panin a siang hong piang lo ding hi.

Hebru 10:5

Tua ahih manin leitungah Khrih hong pai ciangin Pasian kiangah, “Ganhing le khawhsa tawh biakna na deih kei a, nang kong biak nadingin pumpi khat nong vaihawmsak hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

JOB (Job) 15:14

“Mihing a a piang peuhmah paubaang hetloin siangtho taktak zo ding ahi hiam? Pasian’ tungah a thumanzo kua om ding ahi hiam?

Luka 1:25

“Tu petpetin Topa in hih bangin kei hong huh a, mi lakah ka maizumna teng hong paihkhiatsak ta hi,” a ci hi.

Mattiu 1:1

Abraham’ suan David, David’ suan Jesuh Khrih’ khang ciaptehna hih bang ahi hi.

Thu-hilhkikna 22:23

“A kidongsa nungak khat om a, mi khat in khuapi sungah tua nu tuakin amah tawh a lupkhop leh,

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Mattiu 12:46

Tua bangin mite kiangah thu genin a om laitakin a pualamah a nu le a naute in Jesuh hopih nuamin a om uh hi.

Luka 2:5

Tua bangin min sazian kikhumsak dingin a pai ciangin tenpih dingin zuthawl a piaksa a lawmnu Mary tawh a paikhawm uh hi. A lawmnu naupaii hi a,