Marka 9:50 - Tedim Bible

⁵⁰ Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

Tedim Bible Revision 2017

⁵⁰ Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

Marka 9:50 Referans Kwoze

Kolose 4:6

Kam na pau uh ciangin mi’ zaknop, mi’ ngaihnop dingin na pau un. Tua hileh na kihopih uh mite khempeuh a dingin phattuamna a nei kam a pau na hi ding uh hi.

ROM (Romans) 12:18

Ahih theih laiteng mi khempeuh tawh na kilem nadingun hanciam un.

Mattiu 5:13

“Note pen leitung mite a dingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, mite’ tuatcilgawp dingin kipaai lel hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

Filippi 1:27

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

JOB (Job) 6:6

An lim lote, ci sawh loin kine thei a, aktui da kang in limna nei ahi hiam?

1 THESALONIKA MASA 5:13

Amau’ nasepna hangin amaute nakpitakin itbawlin zahtak un. Note khatlekhat kilem takin na om un.

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

1 PETER MASA 3:8

A tawpna-ah kong gennop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

Jeim 1:20

Mihingte’ hehna in Pasian’ sep ding thuhoihte khaktan hi.

2 TIMOTI NIHNA 2:22

Tua ahih manin khangno lunggulhna hoih lote pelh inla, lungsim takpi tawh Topa tungah huhna a ngen mite tawh thuman thutak, upna, itna, kilemna na neihtheih nadingun hanciam khawm un.

Kolose 3:12

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Late 34:14

Siatna panin kihemkhia inla, a hoih bawl in. Kilemna ding hanciam inla, na phak mateng delh in.

Marka 9:34

Kua lianpen ihi hiam, ci-in lampi-ah amau khatlekhat kisel uh ahih manin kuamah in dawng ngam lo uh hi.

Late 133:1

En un, sanggamte pumkhat suakin a tut khawm uh ciangin bangzahin hoihin nuam ahi hiam?

Ezekiel 43:24

Topa ahi keima kiangah nong paipih ding hi. Siampite in tua ganhingte tungah ci thehin, keimah hong biakna-in tua ganhingte hal ding uh hi.

Marka 9:49

Bang hang hiam cih leh biakpiakna sa pen ci a kisawh ciangin Pasian’ santheih a suah bangin ze-etna haksa thuakzawhna in Pasian’ santheih hong suaksak ding hi.