Marka 9:44 - Tedim Bible

⁴⁴ (Tua lai-ah thante si ngei lo a, a mei zong mit ngei lo hi.)

Tedim Bible Revision 2017

⁴⁴ (Tua lai ah thante si ngei lo a, a mei zong mit ngei lo hi.)

Marka 9:44 Referans Kwoze

Marka 9:43

Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut langkhat bui-in nuntakna sungah lut lecin nang a dingin hoihzaw hi.

Marka 9:45

Na khe in hong khialhsak leh sattan in. Khe kim nei-in hell sungah hong kikhiat sangin khe langkhat bui-in nuntakna sungah lut lecin nang a dingin hoihzaw hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding hi, a ci hi.

Mattiu 3:12

Amah in a khutah anzapna tawi-in a ante zap a, a taksate khawmin a ansal sungah koih ding a, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Marka 9:48

Tua hell khuk sungah thante si ngei lo a, a mei zong mit ngei lo hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topa’ minthanna huamsung panin amaute kihawlkhia ding a, tawntung suksiatna dan a thuak ding uh hi. Ahi zongin note in ka hong gen uh thute um na hih manun tua nopna sungah na om ding uh hi.

Mangmuhna 14:10

Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.