Marka 9:43 - Tedim Bible

⁴³ Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut langkhat bui-in nuntakna sungah lut lecin nang a dingin hoihzaw hi.

Tedim Bible Revision 2017

⁴³ Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut lang khat bui-in nuntakna sungah lut lecin nang adingin hoih zaw hi.

Marka 9:43 Referans Kwoze

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Mattiu 3:12

Amah in a khutah anzapna tawi-in a ante zap a, a taksate khawmin a ansal sungah koih ding a, a ansite ahihleh a mit ngei lo mei sungah a khul ding hi,” ci-in thu a hilh hi.

Titu 2:12

Eite in i lamet, a lian Pasian le eite hong Hon Jesuh Khrih a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasian’ deihna bangin i nuntak nadingin tua hehpihna thu in eite hong hilh hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

ROM (Romans) 8:13

Na pumpi uh deihna zui-in na gamtat uhleh na si ding uh a, ahi zongin Kha Siangtho huhna tawh na mawh gamtatnate uh na sihsak uhleh na nungta ding uh hi.

Luka 14:13

Tua bangin anvakna pawi na bawl ciangin mizawngte, khezawte, khebaite, le mittawte sam in.

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

1 KORIN MASA 9:27

Kimawlna sungah midangte a kihel dingin a sam hinapi-in tua kimawlna-ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.

Luka 14:21

Tua ahih ciangin a nasempa hong ciahin a topa kiangah hih thute hong zasak hi. Tua ciangin innteek pa a heh suak a, a nasempa kiangah, ‘Khuasung kongzing khempeuhah va pai inla, mizawng, khezaw, mittaw, le khebai mite hong paipih in,’ ci-in a sawl leuleu hi.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi. Kuamah in phelhzo loin amau tegel kangtum khawm ding uh hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Mattiu 17:27

Ahi zongin amau’ nasepna a nawngkaisak i suahkhak loh nadingin tuili-ah nga siahna sikkawi va khia inla, a awk masa penpen hong kaikhia in. Tua a ngasa kam sung en lecin dangka tang peek khat na om ding hi. Tua sum la inla, ei tegel a dingin biakinn siah va pia in,” a ci hi.

Marka 9:44

(Tua lai-ah thante si ngei lo a, a mei zong mit ngei lo hi.)

Luka 3:17

A buh cilsate a zapsiang nadingin amah in a khut sungah lawhpi tawi a, a takteng ansal sungah koihin, a siteng a mit ngei lo mei sungah a khul ding hi,” ci-in a gen hi.

JOB (Job) 20:13

amah in muammuam nuamin siakhia nuam lo a, lim sa mahmahin a dangtawng denna-in a neih hangin,