Marka 9:20 - Tedim Bible

²⁰ Amaute in zong Jesuh kiangah a naupang hong paipih uh hi. Dawi in Jesuh a muh phetin naupang kongkawsak ahih manin leilakah pukin kikhuk a, a cilphuan a bua hi.

Tedim Bible Revision 2017

²⁰ Amaute in zong Jesu kiangah a naupang hong paipih uh hi. Dawi in Jesu a muh phetin naupang kongkawsak ahih manin leilak ah pukin kikhuk a, a cilphuan a bua hi.

Marka 9:20 Referans Kwoze

Marka 1:26

Dawi gilo in tua mipa kongkaw sakin a linsakgawp khit ciangin nakpitakin awngin ama sung panin a paikhia hi.

Luka 4:35

Jesuh in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Luka 9:42

A naupang hong pai laitakin dawi in leilakah tuksakin a kongkawcipsak hi. Ahi zongin Jesuh in a dawi taii a, naupang damsakin, a pa kiangah a piakik hi.

Luka 8:29

Hih bangin a cihna pen, ama sung panin dawi a paikhiat nadingin Jesuh in thu a piakna hang ahi hi. Dawi in tua mipa tamveipi tak man a, a khut le a khete sikkhau tawh khihin a kikepcip hangin a sikkhaute peksat a, dawi in gamlakah a paikhiatpih hi.

Marka 9:26

A dawi nakpitakin kiko-in naupang a kongkawtsak khit ciangin a taikhia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.

Marka 9:18

Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawlkhiatsak nading ka ngen a, ahi zongin hawlkhia thei lo uh hi,” a ci hi.

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Marka 9:21

Jesuh in, “A nat zawh bang tanvei sawtta ahi hiam?” ci-in a pa kiangah a dong hi. “A neutung a kipan ahi hi.

Luka 9:39

Dawi in amah man a, thakhat thu-in kikogawp hi. A cilphuan a buak dongin kongkawcipsak a, gimsak gawp a, nusia nuam lo hi.