Marka 9:2 - Tedim Bible

² Tua zawh ni guk khit ciangin Jesuh in Peter, James, le Johan-te samin amauteng guak mualtung khatah a paipihto hi. Amaute’ muhtangpi mahin Jesuh a mel hong kikheel a,

Tedim Bible Revision 2017

² Tua zawh ni guk khit ciangin Jesu in Peter, James le Johan-te samin amauteng guak mual tung khat ah a paipih to hi. Amauteʼ muh tangpi mahin Jesu a mel hong kikheel a,

Marka 9:2 Referans Kwoze

Isaiah 33:17

Tua ciangin a thupi mahmah kumpipa na mu ding uh a, a zai mahmah a gam zong na en ding uh hi.

Marka 5:37

Tua lai panin Jesuh in Peter le James le a nau Johan longal kuamah dang kizuisak nawn lo hi.

Marka 14:33

Tua ciangin Peter, James, le Johan-te paipih lai a, nakpitakin lungkhamin a dahna hong kipan hi.

Paikhiatna 24:13

Tua ahih ciangin ama nasempa Joshua tawh Moses kithawi uh a, Pasian’ mual tungah paito uh hi.

2 KORIN NIHNA 13:1

Tu-a ka hong pai nading pen a thumveina hita hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai-ah khangto lel hi. Eite’ et dingin amah in lim le deihhuaina mel bangmah nei lo a, eite’ deih dingin hoihna nei lo hi.

1 KUMPI MASATE 18:42

Tua ahih ciangin anne tuidawn dingin Ahab paito hi. Karmel Mual dawnah Elijah paito a, amahmah leilakah kun sukin a khukte kikalah a maitang a phum hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Marka 16:12

(Tua khit ciangin khuapi panin khuaneu-ah nungzui nihte a pai laitakun amaute tungah a mel tuam khatin Jesuh kilang hi.

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Mattiu 14:13

Jesuh in tua thu a zak ciangin tua mun panin kihemkhia-in gamdaihna mun a zuan dingin gunkuang tawh a pai hi. Mite in ama paikhiatna thu a theih uh ciangin a khua ciat panun lei lam tawnin Jesuh nung hong zui uh hi.

1 KUMPI MASATE 18:33

Tua ciangin amah in a ngeina bangin a sing koih a, a bawngtal semnenin a sing tungah koih hi. Tua ciangin amah in, “Beel li sungah tui dim unla, meihal biakna tau tung le a sing tungah sung un,” a ci hi.