Marka 9:19 - Tedim Bible

¹⁹ Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Tedim Bible Revision 2017

¹⁹ Jesu in amaute kiangah, “Upna nei lo mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

Marka 9:19 Referans Kwoze

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Marka 16:14

(Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Gamlak-vakna 14:27

“Hih a gi lo mihonte in bang tanvei kei hong phunsan ding uh ahi hiam? Israel mite in kei hong phunsanna ka za khin hi.

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Luka 9:41

Jesuh in, “Note in bangzahin upna nei lo a, bangzahin khial na hi uh hiam? Note bang tanvei hong ompih ding a, bang tanvei hong kikholhpih ding ka hi hiam?” a ci hi. Tua ciangin a mipa kiangah, “Na tapa hong paipih in,” ci-in a dawng hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Thu-hilhkikna 32:20

Amah in, ‘Amaute’ kiang panin ka mai ka seel ding a, amaute’ thumong bang hong hi hiam, ka en ding hi. Bang hang hiam cih leh amaute a lampial khang mite hi a, cihtakna a nei lo tate ahi uh hi.

Gamlak-vakna 14:22

Egypt le gamlakah ka hihsa ka vangliatna le ka limte mu khin napi-in sawmvei kei hong ze-etin keima aw a ngai lo mite,

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Late 78:22

Bang hang hiam cih leh amaute in Pasian um lo uh a, a honkhiazo dingin muang lo uh hi.

Marka 9:18

Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawlkhiatsak nading ka ngen a, ahi zongin hawlkhia thei lo uh hi,” a ci hi.

Marka 9:20

Amaute in zong Jesuh kiangah a naupang hong paipih uh hi. Dawi in Jesuh a muh phetin naupang kongkawsak ahih manin leilakah pukin kikhuk a, a cilphuan a bua hi.