Marka 9:18 - Tedim Bible

¹⁸ Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawlkhiatsak nading ka ngen a, ahi zongin hawlkhia thei lo uh hi,” a ci hi.

Tedim Bible Revision 2017

¹⁸ Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawl khiatsak nading ka ngen a, ahi zongin hawl khia thei lo uh hi,” a ci hi.

Marka 9:18 Referans Kwoze

Marka 11:23

Upna na neih nak-uhleh hih mual kiangah, ‘Na omna panin paikhia-in tuipi sung kidenna in,’ ci le-uhcin, na lungsim sung uhah uplahna om loin na gen bangun piang taktak ding hi, ci-in na up nak-uhleh, na cih bangun hong piang ding hi.

Marka 9:26

A dawi nakpitakin kiko-in naupang a kongkawtsak khit ciangin a taikhia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.

Marka 9:20

Amaute in zong Jesuh kiangah a naupang hong paipih uh hi. Dawi in Jesuh a muh phetin naupang kongkawsak ahih manin leilakah pukin kikhuk a, a cilphuan a bua hi.

Mattiu 17:16

Na nungzuite kiangah ka paipih hangin amaute in damsak thei lo uh hi,” a ci hi.

Sawltak 7:54

A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Late 112:10

Migilo in hih thu mu-in a heh suak mahmah a, a ha gawigawi-in a tuimang hi. Migilote’ lametna a mawkna a suakta hi.

Juda 1:13

a sepna uh tawh amau mah’ maizum nading a piangsak tuipi hualte, le Pasian in amaute’ om nadingin leisung khuamial thukpi a koihsak tawntung, a lampial aksite tawh kibang bek uh hi.

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna-ah kilawnkhia ding a, tua lai-ah kapin a hagawi ding uh hi,” a ci hi.

JOB (Job) 16:9

“Pasian in a hehna tawh hong balnen ngingei a, a ha hong gawisanin hong heh et hi.

Marka 9:17

Mihon lak panin mi khat in hong dawng a, “Sia aw, ka tapa in dawi vei-in pau thei lo ahih manin nangma kiangah kong paipih hi.

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.