Marka 9:17 - Tedim Bible

¹⁷ Mihon lak panin mi khat in hong dawng a, “Sia aw, ka tapa in dawi vei-in pau thei lo ahih manin nangma kiangah kong paipih hi.

Tedim Bible Revision 2017

¹⁷ Mihon lak panin mi khat in hong dawng a, “Sia aw, ka tapa in dawi vei-in pau thei lo ahih manin nangma kiangah kong paipih hi.

Marka 9:17 Referans Kwoze

Luka 11:14

Jesuh in a pau thei lo mi khat sung panin dawi hawlkhia a, dawi a paikhiat khit ciangin a mipa pauthei a, mite in lamdang a sa mahmah uh hi.

Marka 9:25

Mihonte amau kiangah a hong kikhawm dingin a hong taina uh Jesuh in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Johan 4:47

A tapa gim mahmahin si dektak ahih manin, Judea gam panin Galilee gamah Jesuh hong paina thu a zak ciangin ama kiangah va pai a, Kapernaum khua-ah Jesuh hong pai-in a tapa a damsak nadingin a va thum hi.

Luka 9:38

Mihon lak panin mi khat hong kiko a, “Sia aw, ka tapa nong etsak nadingin kong thum hi. Amah bek ta a ka neih ahi hi.

Marka 10:13

Mi pawlkhat in a naupangte uh Jesuh in a lawnsak ding deih uh ahih manin hong paipih uh a, ahi zongin a nungzuite in na kham uh hi.

Marka 7:26

Tua nupi pen Grik mi hi a, Syria gam Foenisia khua-a a suak ahi hi. A tanu sung panin dawi a hawlkhiatsak nadingin a hong thum hi.

Marka 5:23

“Ka tanu si dektak ta hi. Amah a cidam kikin a nuntak theih nadingin hong pai inla, ama tungah na khut hong ngaksak in,” ci-in a thum hi.

Mattiu 17:15

“Topa aw, nong hehpihna-in ka tapa hong damsak in. Amah in sihbup natna nei-in gim mahmah hi. Meikhuk sungah ahi a, tui sungah ahi zongin a puk zel hi.

Mattiu 12:22

Tua ciangin mi pawlkhat in Jesuh kiangah mittawt le pau theih loh a thuah dawivei mi khat hong paipih uh hi. Jesuh in amah damsak ahih manin amah hong pauthei-in khua zong hong muthei hi.

Mattiu 9:32

Tua mi nihte a paikhiat laitakun mi pawlkhat in dawi a veina hangin a pauthei lo mi khat, Jesuh kiangah a hong paipih uh hi.

Marka 9:16

Jesuh in a nungzui dangte kiangah, “Amaute tawh bang thu kisel na hi uh hiam?” ci-in a dong hi.

Marka 9:18

Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawlkhiatsak nading ka ngen a, ahi zongin hawlkhia thei lo uh hi,” a ci hi.