Marka 8:38 - Tedim Bible

³⁸ Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Tedim Bible Revision 2017

³⁸ Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Marka 8:38 Referans Kwoze

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

1 JOHAN MASA 2:23

Tapa a nialte in Pa zong a nial hi a, Tapa a sangte in Pa zong a sang ahi hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Luka 9:26

Keima hang le ka thuhilhnate hangin a maizum peuhmah, a Pa’ minthanna vang le a siangtho vantung mite’ minthanna tawh a minthangin hong paikik ciangin Mihing Tapa zong ama hangin a maizum ding hi.

2 TIMOTI NIHNA 1:8

Tua ahih manin i Topa’ thu gen nading thu-ah ahi a, ama thu hangin thong a kia keima thu-ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna-ah zong a thuaknuam hizaw in.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

2 TIMOTI NIHNA 1:12

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.

Mattiu 12:39

Ahi zongin Jesuh in, “Tuhuna mite bangzahin giloin, Pasian’ thu thei lo ahi uh hiam? Na lamdang ka bawl ding na hong ngen tazen uh hi. Jonah thu tawh kisai nalamdang longal adang hong kilaklo ding hi.

Johan 1:51

Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Mattiu 24:30

Tua ciangin Mihing Tapa’ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Luka 19:26

A topa in, ‘Ke’n kong cihin-ah, a neisate tungah kipiathuah ding a, ahi zongin a nei lote tung panin themkhat a neihsun nangawn kilaksak ding hi.

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 7:10

tua sung panin meikuang a hong leengkhia niloh hi. Ama nasem ding mihing tul za tampi om a, a mai-ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Thu-hilhkikna 33:2

Amah in, “Sinai panin Topa hong pai a, Sinai panin eite a’ ding hong suakkhia hi. Paran Mual panin hong taangkhia a, a taklam khutah meikuang tawi-in, mi siangtho tul sawmte kiang panin a hong pai hi.

Hebru 13:13

Tua ahih manin eite zong a pualamah pai-in Jesuh tawh maizumna thuakkhawm ni.

2 TIMOTI NIHNA 1:16

Onesiforas in tamveipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Johan 12:34

Tua ciangin mihonte in, “Khrih nungta tawntung ding hi, ci-in Thukham sungah kigen hi. Bang hangin Mihing Tapa kikhaito ding ci na hi hiam? Hih Mihing Tapa kua ahi hiam?” a cih uh ciangin

Johan 5:27

Amah pen Mihing Tapa ahih manin thu khentheih nading aana ama tungah a pia hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Marka 14:62

Jesuh in, “Ka hi hi; Vanglian Pasian’ taklamah Mihing Tapa omin meii lakah a hong pai na mu ding uh hi,” a ci hi.

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Zekhariah 14:5

Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Mattiu 16:28

Hih lai-a a om mi pawlkhatte a sih ma-in Mihing Tapa, Kumpi-in hong pai ding ahih lamtak phawkkhial kei un,” a ci hi.

Marka 8:37

Ama nuntakna bang tawh leikik thei nawn ding ahi hiam?

Marka 13:26

Tua ciangin Mihing Tapa, vangliatna le minthanna tawh meii lakah a hong paisuk kimu ding hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

1 THESALONIKA MASA 2:19

Tua banga kong painopna uh pen, note bek mah kote’ lamet, ka lungdamna uh le kote’ gualzawhna lukhu na hi uh a, Topa Jesuh hong pai ciangin ama mai-ah kong kisialhpih ding uh na hi uh hi.

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.

Mangmuhna 14:10

Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.