Marka 8:34 - Tedim Bible

³⁴ Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Tedim Bible Revision 2017

³⁴ Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Marka 8:34 Referans Kwoze

Mattiu 10:38

Ama singlamteh mah puatawm lopi-in ka nung hong zuite kei tawh kilawm lo hi.

Johan 10:27

Keima tuute in ka aw za-in thei uh ahih manin kei hong zui uh hi.

1 KUMPI MASATE 14:8

David’ suante’ tung panin kumpi gam balkhia-in nangma tungah kong pia hi. Ahi zongin nang pen ka thupiaknate zui-in, a lungsim khempeuh tawh kei hong zui-in ka muhna-ah a man nate bek a sem ka nasempa David na bang kei a,

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

1 JOHAN MASA 3:16

Itna i cih bangci theih ding ihi hiam cih leh: Khrih in eite a dingin a nuntakna hong pia hi. Ei zong i Khristian mipihte a dingin i nuntakna i piak ngam ding ahi hi.

Gamlak-vakna 14:24

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitangah ka tunpih ding a, ama suanlekhakte in tua leitang luah ding uh hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Filippi 3:10

Jesuh Khrih thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna-ah zong amah tawh ka kibat ding ka utpi pen ahi hi.

ROM (Romans) 8:17

Eite pen ama ta ihih manin mite a dingin a koih thuphate i ngah banah Khrih a dingin a koihte zong i ngahkhawm lai ding hi. Bang hang hiam cih leh Khrih in a thuak mah bangin i thuak nakleh amah a minthan’ mah bangin ei zong i minthang ding hi.

Luka 9:23

Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

Filippi 3:7

Ahi zongin hamphatna-in ka neih theih ding tua bangte khempeuh, Khrih hangin supngam dingin ka ngaihsun hi.

1 PETER MASA 4:1

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi.

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

1 KORIN MASA 15:31

Sanggamte aw, i Topa Jesuh Khrih thu-ah note hangin ka kisaktheih zah mah bangin nisim mahin sihna a thuakthuak ka hi hi.

ROM (Romans) 6:6

Mawhna khutnuai-ah eite i om nawn loh nadingin mawhnopna lungsim i neihnateng i sucip a, singlamteh tungah Khrih a sih laitak mahin i ngeina luiteng a sisak khawm ihihna thu i thei hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

2 PETER NIHNA 1:14

I Topa Jesuh Khrih in teltakin hong genkhin ahih manin hih leitung pumpi ka nusiat baih nading thu ka thei hi.

1 PETER MASA 4:13

Tua bangin Khrih tawh thuakkhawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un.

Titu 2:12

Eite in i lamet, a lian Pasian le eite hong Hon Jesuh Khrih a vangliatna hong kilatkik ding hun ngakin i om laitakin i biakna tawh a kituak lo thute le leitung nate deihna phiatin, lungsim hi hithiatin omin, thutangin, hih leitungah Pasian’ deihna bangin i nuntak nadingin tua hehpihna thu in eite hong hilh hi.

Kolose 1:24

Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Luka 13:24

Jesuh in amaute kiangah, “Kong kawcik tawnin na lut nadingun hanciam un. Note kiangah kong genin-ah, mi tampi tak in lut ding a hanciam uh hangin lut zo lo ding uh hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuh’ singlamteh a puasak uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

Hebru 13:13

Tua ahih manin eite zong a pualamah pai-in Jesuh tawh maizumna thuakkhawm ni.

2 THESALONIKA NIHNA 3:11

Hih bangin thu ka hong genna uh pen note lakah mi pawlkhatte thadahin na sem nuam lo uh a, midangte’ nasepna va nawngkaisak zawsop hi, ci-in ka zakna hang uh ahi hi.

1 KORIN MASA 9:19

Kei pen kuama khutnuai mi hi loin a suakta mi hinapi-in, mi a tam theithei ka ngahzawh nadingin mi khempeuh’ khutnuai mi-in ka kibawl hi.

1 KORIN MASA 8:13

Tua ahih manin nekna in thu upna sungah ka sanggamte khat a khialsak ding ahihleh, amah a pukkhak loh nadingin milim biakna sa ka ne ngei het kei ding hi.

Johan 19:17

Tua ahih manin amaute in Jesuh la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Luka 20:45

Tua ciangin Jesuh in mi khempeuh zakin a nungzuite kiangah,

Marka 10:21

Tua ciangin Jesuh in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sumkhotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 7:14

Tua ciangin Jesuh in mihonpite samin amaute kiangah, “Mi khempeuh aw, ka thugen hong ngai unla, ka thugente theitel un.