Marka 8:33 - Tedim Bible

³³ Ahi zongin Jesuh kihei-in a nungzuite a etkawmin Peter lehtai a, “Satan aw, ka nungah om in. Nang in Pasian’ ngaihsut bangin thu ngaihsun loin, mihing’ ngaihsut bangin na ngaihsun hi,” a ci hi.

Tedim Bible Revision 2017

³³ Ahi zongin Jesu kihei-in a nungzuite a et kawmin Peter lehtaii a, “Satan aw, ka nungah om in. Nang in Pasianʼ ngaihsut bangin thu ngaihsun loin, mihingʼ ngaihsut bangin na ngaihsun hi,” a ci hi.

Marka 8:33 Referans Kwoze

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

1 JOHAN MASA 2:15

Hih leitung nate le Pasian tawh a kizom lo thute deihluatin nei kei un. Mi khatpeuh in hih leitung nate a deihluat leh amah in Pa Pasian it taktak thei lo hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute-ah kisial zawsopin, leitung nate bek ngaihsutin nei uh ahih manin Hell khuksung a tung ding uh ahi hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

1 PETER MASA 4:1

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi.

1 TIMOTI MASA 5:20

A khial takpi upa a om leh upa dangte a lautheih nadingin a lawmte mai-ah tua a khial pa taii-in thuhilh in.

1 KORIN MASA 5:5

Topa’ Ni hong tun ciangin tua bang mite’ kha in hotkhiatna a ngahtheih nadingin Satan in amau pumpi a gimsak dingin na piakhia ta un.

Luka 22:61

Jesuh zong kihei-in Peter hong en a, “Tuni-in ak a khuan’ ma-in thumvei nong nial ding hi,” ci-in Topa’ kampauna thu Peter in hong phawkvat hi.

Marka 3:34

Ama kimkotah a tu mite en a, “Hih lai-ah ka nu le ka sanggamte om uh hi.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Mattiu 15:23

Ahi zongin Jesuh in kam khat beek paupih lo hi. Tua ciangin a nungzuite in Jesuh kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

2 SAMUEL NIHNA 19:22

Ahih hangin David in, “Note pen tuni-in kei’ lang bangin na om nadingun no Zeruiah’ tapate tawh kei bang kisai ihi hiam? Tuni-in Israel sungah mi khatpeuh kithat ding ahi hiam? Bang hang hiam cih leh tuni-in Israel-te’ tungah kumpi ka hihna thei hi lo ka hi hiam?” a ci hi.

Siampi Laibu 19:17

“Note in na lungsim sung uhah na sanggampa uh na mudah kei ding uh a, na vengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Titu 1:13

Hih ama thugen a man mahmah ahi hi. Tua ahih manin thu upna man nei thei-in,

Luka 9:55

Ahi zongin Jesuh kihei-in amaute a taii hi.

Luka 4:8

Jesuh in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

JOB (Job) 2:10

Ahih hangin amah in a zi kiangah, “Numei haite’ kampau bangin na pau hi. Pasian’ tung panin a hoih sang ihih ciangin siatna zong sang lo ding ihi hiam?” a ci hi. Hih thu khempeuhah a kampau nangawnin Job khial lo hi.

Mattiu 16:23

Ahi zongin Jesuh kihei-in Peter kiangah, “Satan aw, ka nungah om in. Hih na ngaihsutnate Pasian’ ngaihsutna hi loin mihingte’ ngaihsutna ahih manin ka lam a hong khaktan ding a suak hi,” a ci hi.