Marka 8:31 - Tedim Bible

³¹ Tua ciangin Jesuh in, “Mihing Tapa in tampi tak thuak ding hi; upate, siampi liante, le Thukham hilh siate in amah nial ding uh hi. Amah kithat ding a, ni thum khit ciangin hingkik ding hi,” ci-in a nungzuite hilh ding a kipan hi.

Tedim Bible Revision 2017

³¹ Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Marka 8:31 Referans Kwoze

Sawltak 7:35

“Moses pen Israel mite in deih loin, ‘Kote a hong uk ding le thu a hong khen dingin kua in hong koih ahi hiam?’ a cih pa uh ahi hi. Ahi zongin Moses pen sawlpang kuang sung pan ama kiangah a kilang vantungmi’ huhna tawh ukpa le honkhia pa ahi dingin Pasian in a sawl pa ahi hi.

Johan 2:19

Jesuh in, “Hih biakinn susia le-uhcin ni thum sungin ka dingsakkik ding hi,” ci-in a dawng hi.

Luka 24:26

Khrih in minthanna a ngah nadingin hih bangteng a thuak ding kisam hi lo ahi hiam?” a ci hi.

Luka 17:25

Ahi zongin amah in gimna tampi tak thuak masa ding a, ama huna mite in amah nial ding uh hi.

Marka 12:10

‘Innlamte in a nilkhiat suang pen innkiu suang bulpi suak khinta hi.

Mattiu 21:42

Jesuh in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topa’ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Jonah 1:17

Ahih hangin Jonah a nawmvalh dingin Topa in ngapi khat a geelkholhsa hi a, tua ngapi’ gil sungah Jonah sun thum le zan thum sung a om hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Late 118:22

Innlamte in a nilkhiat suang pen innkiu suang bulpi suak khinta hi.

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong honkhia na Pasian uh tuni-in na nial uh a, note in, ‘Kote’ tungah kumpi khat koih in,’ na ci uh hi. Tua ahih ciangin tu-in na minam nam uh le a tul tulin Topa’ mai-ah kilak un,” a ci hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.