Marka 7:9 - Tedim Bible

⁹ Tua ciangin Jesuh in a thugen zomlai a, “Na khanglui ngeina uh na zuihtheih nadingun Pasian’ thukhamte a nawlkhinzia na siam mahmah uh hi.

Tedim Bible Revision 2017

⁹ Tua ciangin Jesu in a thugen zom lai a, “Na khanglui ngeina uh na zuih theih nadingun Pasianʼ thukhamte a nawl khin zia na siam mahmah uh hi.

Marka 7:9 Referans Kwoze

Galati 2:21

Hih bang ka gen ciangin Pasian’ hehpihna thupha ka deih lohna ahi kei a, Thukham zuihzawhna hangin Pasian tawh kipawl theihna om hileh, singlamteh tungah Khrih sihna a mawkna hi lel ding hi, a cinuam ka hizaw hi.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Marka 7:13

Hih bang danin mite thu na hilhna uh tawh Pasian’ thu na pampaih uh hi. Hih bangzia-in na gamtatna uh adang tampi zong omlai hi,” a ci hi.

Marka 7:3

(Farisi mite le Jew mite khempeuh in khanglui ngeina zui-in khut silloin an ne lo uh hi.

Late 119:126

Topa aw, nangma thu kipalsat khin ahih ciangin thu na khen ding hun hita hi.

2 THESALONIKA NIHNA 2:4

Tua A Gilopa in mite’ biak pasian a kici khempeuh le na khempeuh nialgawp ding hi. Tuate khempeuh sangin a lianzaw-in a kingaihsut banah, Pasian ka hi hi, ci-in Pasian’ biakinn sung mahmahah pai-in va tu ding hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lianzaw a, a Lianpen Pasian sangin zong ka thupizaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Marka 7:5

Tua ahih manin Farisi mite le Thukham hilh siate in Jesuh kiangah, “Bang hangin na nungzuite in, khanglui laipek panin tuni dongin a kizui pulepa ngeinate zui loin, khut silloin an ne ahi uh hiam?” ci-in a dong uh hi.

2 KORIN NIHNA 11:4

Bang hang hiam cih leh kote’ hilh a hi lo adang Jesuh’ thu a hilh hong pai ciangin lungdam takin na sang pahpah uh a, kote’ hong hilh Kha Siangtho le lungdamna thu tawh a kibang lo kha thu le lungdamna thu hong hilh a om ciangin na sang pahpah uh hi.

Galati 1:14

le ka khangualte lakah Jew biakna lamah a makai pen ka hihna thu, le ka pu ka pate uh tang ngeinate a nakkin mahmah ka hihna a kipanin ka pianzia ngeisate khempeuh na zaksa na theihsa uh ahi hi.