Marka 7:34 - Tedim Bible

³⁴ vantung lam ento a, khuisa-in, “Kihong in,” a cihnopna ahi “Effatha” a ci hi.

Tedim Bible Revision 2017

³⁴ vantung lam en to a, khuisa-in, “Kihong in,” a cihnopna ahi “Effatha” a ci hi.

Marka 7:34 Referans Kwoze

Johan 11:41

Tua ahih manin a suangtum a likkhia uh hi. Jesuh zong van lam dakto-in, “Pa aw, ka thungetna hong ngai na hih manin ka nuam mahmah hi.

Marka 6:41

Tua ciangin Jesuh in a anlum nga le a ngasa tawn nihte la a, vantung lam ento-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Marka 5:41

Tua ciangin numeino’ khut lenin, “Numeino aw, tho in,” a cihna, “Talitha kumi,” a ci hi.

Sawltak 9:34

Peter in tua pa kiangah, “Aineas aw, Jesuh Khrih in nang hong damsak hi; tho-in na lupna zial in,” a ci hi. Amah zong thakhatin thoto pah hi.

Johan 11:33

Jesuh in Mary le amah hong zui Jew mite a kahna a muh ciangin a lungsim nakpitakin sukha-in lunggim mahmah ahih manin,

Marka 15:34

Nitak nai thum laitakin Jesuh nakpitakin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi.

Marka 8:12

Tua ciangin Jesuh nakpitakin a sung tawngah khuisa-in, “Bang hangin hih mite in lim hong ngen ahi uh hiam? Hih mite tungah lim kilak peuhmah lo ding hi,” a ci hi.

Sawltak 9:40

Peter in innsung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tuto hi.

Johan 11:43

a cih khit ciangin nakpitakin kiko-in, “Lazaras aw, hong pusuak in,” a ci hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Johan 11:38

Jesuh a dah hong suak mahmah kik ahih manin leihawm sungah kivui-in suangtum tawh a gong a kihukna hanah a pai hi.

Johan 11:35

Tua ciangin Jesuh zong a kap hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Luka 18:42

Tua ciangin Jesuh in, “Na upna in nang hong damsak khinta hi,” a ci hi.

Luka 7:14

Tua ciangin pai-in a hankuang va len a, si puate zong a khawlpah uh hi. Tua ciangin Jesuh in, “Tangval aw, tho in, kong ci hi,” a ci hi.

Marka 1:41

Jesuh in hehpihhuaisa ahih manin a khut zanin lawng a, “Nang kong damsak nuam hi,” a ci hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Paikhiatna 2:23

Tua zawh kum tampi khit ciangin Egypt kumpipa si hi. Israel mite a salsuahna sung uhah amau’ kikona Pasian kiang tung hi.

Marka 7:35

Thakhatin a mipa’ bil kihongin, a leii zong hong kol a, nuamtakin a pauthei hi.