Marka 7:22 - Tedim Bible

²² huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Tedim Bible Revision 2017

²² huaihamna, gitlohna, khemna, gamtat hoih lohna, enna, mi gensiatna, kisialhna le hai tatna a piangsak thei ngaihsutna hoih lote khempeuh,

Marka 7:22 Referans Kwoze

Mattiu 20:15

Keima sum pen keima ut bangin ka zattheih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasian’ deihna ahi hi.

2 KORIN NIHNA 10:5

Mite’ ngaihsutna a man lote ka thalnial gawpzo uh a, Pasian’ thu theih nading a khaktan thei nate ka susiagawp uh a, mi khempeuh’ ngaihsutna zo gawpin Khrih’ thu a mang dingin ka bawl uh hi.

Mattiu 6:23

Ahi zongin na mit uh maang leh na pumpi uh a dingin khua a mial hi. Tua ahih manin note’ sunga a om khuavak pen a mial hileh tua mialna pen nasia mahmah ding hi.

Thuhilh-sia 7:25

Keimah in pilna siamna ka theih nading, pilna mu-in thupiangte a hang ka theih nadingin nakpitakin hanciamin ka lungsim ka pia a, haina a hoih lohna le a haihuaina ka theikhia hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lamtak phawkkha lo hi.

Paunak 27:22

Mihai khat a sih dek dongin na satsat hangin a hai ngei mahin hai veve lai ding hi.

Paunak 24:9

Mihaite’ vaihawmna in khialhna bek piangsak lel a, mi a simmawh theite midangte in mudah uh hi.

Paunak 23:6

A cil tentan mite’ an neksak kei unla, a anlimte uh duhgawhkha kei un.

Paunak 22:15

Naupangte a hai gamtat a ngeina hi a, deihtakin pangbetna in mihoih suaksak thei hi.

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuhah, “Pasian om kei,” a ci hi.

2 KHANG TANGTHU NIHNATE 32:31

Tua ahih ciangin gam sung omzia lim a kan dingin ama kiangah a kisawl Babylon uliante’ kamtaite tawh kisai-in, amah a ze-etna ding le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

Thu-hilhkikna 28:56

Note lakah a om a ngeksuak, a cithei pen numei, amah ngekin a ci neel lua ahih manin a khenuai tawh lei sik ding a ngaihsun ngei vet lo nu in a it a pasal, a tanute le a tapate a dingin ama sung panin a piang a tate le ama sung panin a paikhia a nau-nungzuite phal lo ding hi. Bang hang hiam cih leh hong umcihna le na galte un na khuapite uhah note hong lungkhamsak nading lungkhamna sungah bangmah neih lohna hangin amah in tuate nesim ding hi.

Thu-hilhkikna 28:54

Note lakah a ngeksuak, a cithei pen mipa in a sanggampa, a it a zi, le amah tawh a om a tate a nunung pen’ tungah an pia nuam lo ding hi.

Thu-hilhkikna 15:9

Na lungsim uhah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na langkhatah Topa’ tungah amah kiko-in, no tungah khialhna a suahkhak ding kingaihsun un.

Late 119:36

Nangma thuhilhnate’ lamah ka lungsim awnsak inla, ngahna ding bekah awnsak kei in.

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uhah siatna vive om kawikawi hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuauthu vive ahi hi.

Jeremiah 17:9

“Na khempeuh lakah lungsim a khem hatpen hi a, a kisia pha mahmah ahi hi. Kua in lungsim theizo ding ahi hiam?

Marka 7:21

Bang hang hiam cih leh mihingte’ lungsim sung panin nungak-tangval mawhnopna, guktakna, mi thahna, zilepasal neisate tawh mawhnopna,

Marka 7:23

mihingte sung panin pusuakin mite ninsak ahihlam thei lo na hi uh hiam?” a ci hi.