Marka 6:46 - Tedim Bible

⁴⁶ Amaute tawh a kikhen khit ciangin thungen dingin mualtungah a kahto hi.

Tedim Bible Revision 2017

⁴⁶ Amaute tawh a kikhen khit ciangin thungen dingin mual tungah a kah to hi.

Marka 6:46 Referans Kwoze

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Mattiu 14:23

Mihonte a ciah khit ciangin thungen dingin mual tunglamah a paito hi. Khuamial ciangin Jesuh guakbek gamlakah om a,

1 PETER MASA 2:21

Khrih mahmah in zong note a dingin thuakin, ama khekhap na zuihtheih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.

Marka 6:47

Khuamial ciangin tui laizang dong gunkuang tungta a, Jesuh ahihleh leitungah amah guakin omlai hi.

Sawltak 18:18

Korin khua-ah ni tampi sung thu um mite tawh Paul omkhawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Sawltak 18:21

a dinkhiat ding ciangin, “Pasian deihna ahih nakleh note kiangah ka hong hawhkik ding hi,” ci-in vaikhakin, Efesa khua panin teembaw tawh a ding khia hi.

2 KORIN NIHNA 2:13

Ahi zongin tua lai-ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.