Marka 6:21 - Tedim Bible

²¹ Ahi zongin a tawpna-ah Herodias in hunhoih ngah hi. Herod a suah ni hun a tun ciangin kumpi uliante, galkapmangte, le Galilee gam sunga om ulian khempeuh a dingin pawi a kham hi.

Tedim Bible Revision 2017

²¹ Ahi zongin a tawpna ah Herodias in hunhoih ngah hi. Herod a suah ni hun a tun ciangin kumpi uliante, galkap maangte le Galilee gam sunga om ulian khempeuh adingin pawi a kham hi.

Marka 6:21 Referans Kwoze

Esther 2:18

Tua ciangin kumpipa in Esther pahtawina-in ama uliante le a nasem khempeuh a dingin pawi lianpi khat a bawl hi. Amah in ama ukna gam khempeuhah tua ni nasep khawlin zum a khakna ding uh zong thu zasak kim a, kumpipa min tawh a kilawm a kituak letsongte zong a hawmkhia hi.

Piancilna 40:20

A ni thum ni, Faro’ suah ni hunin, amah in a nasemte khempeuh a dingin pawi khat kham a, an piapi pa le an huanpipa lakhia hi.

Mangmuhna 11:10

Teci a pang tua kamsang nihte in leitung mite tungah gimna nakpitakin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

1 PETER MASA 4:3

A beisa hunah dawibiate’ gamtat bangin a hoihkhop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Hosea 7:5

Kumpipa in pawi a Sbawl ni-in amaute in uliante zu khamsakin haisak uh a, amau’ ngimna a thei lopi-in kumpipa zong tua lakah hong kihel hi.

Esther 3:7

Kumpi Ahasueras’ uk a kum sawm le nihna, a kha masa pen ahi Nisan kha a kipanin a ni ni, a kha kha-in Pur a kici aisanna tawh Haman’ muhin ai kisan a, a kha sawm le nihna Adar kha a ni sawm le thum ni-in ai a pha hi.

Piancilna 27:41

A pa in amah thupha pia khin ahih manin tua thupha hangin tu-in Esau in Jakob mudah a, Esau in, “Ka pa’ sihna hangin dah nading hun hong nai ta hi. Tua khit ciangin ka sanggampa Jakob ka that ding hi,” ci-in ngaihsun hi.

Sawltak 25:23

Tua ahih manin a zing ciangin a thupi takin lian bawl mahmahna tawh Agrippa le Bernis hong pai uh a, galkapmangte le khuasung uliante tawh kikhopna inn lianpi sungah a hong lut uh hi. Tua ciangin Festas in Paul hong kitumpih nadingin thu a pia hi.