Marka 6:20 - Tedim Bible

²⁰ Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Tedim Bible Revision 2017

²⁰ Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Marka 6:20 Referans Kwoze

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Marka 4:16

Mi pawlkhatte, khaici pawlkhat a tukna suang kitawphah leilak tawh kibang uh hi. Thu a zak phetun lungdam takin sang uh hi.

Daniel 5:17

Daniel in kumpipa kiangah, “Letsong pen kei hong pia kei inla, midang khatpeuh piazaw in. Ahi zongin tua lai kigelh hong simsakin a khiatna kumpipa kong hilh ding hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Daniel 4:18

“Beltashazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang’ sungah Pasian’ kha om ahih manin na hong gen thei ding hi,” a ci hi.

Ezekiel 33:32

Amaute a dingin nang pen mite’ lungnop nadingin zawl la sa-in lasaknate a tum mipa tawh na kibang lel hi. Na thugen khempeuh hong ngai napi uh, khat beek zui lo uh hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sungteng amah in Pasian zong hi. Amah in Topa a zon laiteng, Pasian in amah daupaisak hi.

2 KHANG TANGTHU NIHNATE 24:2

Siampi Jehoiada’ hunsung khempeuh Topa’ mitah Joash a manin gamta hi.

2 KUMPI NIHNATE 13:14

Tu-in a sih nading natna tawh Elisha a nat ciangin, Israel kumpipa Jehoash ama kiangah paisukin ama mai-ah kap a, “Ka pa, ka pa! Israel mite a hupipa!” ci-in a kiko hi.

2 KUMPI NIHNATE 6:21

Israel kumpipa in amaute a muh ciangin amah in Elisha kiangah, “Ka pa aw, amaute ka that ding hiam? Amaute ka that ding hiam?” a ci hi.

1 KUMPI MASATE 21:20

Ahab in Elijah a muh ciangin, “Ka gal pa aw, kei hong mu na hi hiam?” a ci hi. Amah in dawngin, “Topa’ muhna-ah a sia a gamta dingin nangmah kipiatawm na hih manin nang kong mu hi.

Paikhiatna 11:3

Topa in Egypt mite’ muhna-ah mite maipha pia hi. Tua tham loin, mipa Moses pen Egypt leitang tung, Faro’ nasemte’ muhna, le mite’ muhna-ah lian mahmah hi.

Sawltak 2:12

Amaute in lamdangsa-in lungmang mahmah uh a, “A bangci thu ahi hiam?” ci-in khatlekhat a kidong uh hi.

Sawltak 5:24

Biakinn ukpa le siampi liante in hih thu a zak uh ciangin hih sawltakte a bangci thu hi ding hiam, ci-in lamdang a sa mahmah uh hi.