Marka 6:14 - Tedim Bible

¹⁴ Kumpi Herod in Jesuh thu a kigengenna thu a za hi. Mi pawlkhat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Tedim Bible Revision 2017

¹⁴ Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 6:14 Referans Kwoze

1 THESALONIKA MASA 1:8

Note’ gamtatna ziate’ hangin Masedonia le Akhaia gam sungteng bekah Topa’ thu a kithei hi loin, note in Pasian na upna thu uh mun khempeuhah kiza ahih manin kote’ gen ding bangmah kisam nawn lo hi.

Luka 13:31

Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Marka 8:28

Amaute in, “Pawlkhat in, Tuiphumpa Johan hi, hong ci uh hi. Pawlkhat in, Elijah hi, hong ci uh a, pawlkhat in, kamsang khat peuhpeuh hi ding hi, hong ci uh hi,” ci-in a dawng uh hi.

Marka 1:45

Ahih hangin a mipa paikhia-in a paina khempeuhah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin mite’ theihin khua sungah Jesuh lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 1:28

Tua ahih ciangin hih Jesuh’ thu in Galilee gam sung khempeuh thakhatin a zelpak hi.

Mattiu 9:31

Ahi zongin amaute paikhia uh a, tua gam sung khempeuhah hih thu a zasak uh hi.

2 KHANG TANGTHU NIHNATE 26:15

Amah in thaltangte le suang liante lot nadingin tausang omna munte le a kiute-ah koih ding, mi a siamte in a bawltawm sette, Jerusalem-ah a bawl hi. Amah a thahat dong a lamdangpi khatin kihuh ahih manin ama minthanna in gamlapi a zel hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthanna in Egypt gam ciang dong nangawn zel hi.

Luka 9:19

Amaute in, “Pawlkhat in, Tuiphumpa Johan hi, hong ci uh hi. Pawlkhat in Elijah hi, hong ci uh a, pawlkhat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Luka 7:17

Hih Jesuh thu pen Judea gam sung le a kiim gam khempeuhah kizel hi.