Marka 6:11 - Tedim Bible

¹¹ Na paina uh khua khatpeuh in note hong sang loin, na thuhilhna uh hong ngaihnop kei uhleh, tua khua nusia-in, na khe uha leivui bangte sinsan un. Tua pen amaute a dingin hilhkholhna ahi hi,” ci-in a vaikhak hi.

Tedim Bible Revision 2017

¹¹ Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Marka 6:11 Referans Kwoze

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui bangte sinsanin, “Pasian tawh kikhenin siatna na tuah uhleh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn le a neihsa panin Pasian in singkhia tahen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Hi ta hen,” ci uh a, Topa a phat uh hi. Tua hi a, a ciamsa bangun mite a gamta uh hi.

Juda 1:7

Sodom khua le Gomorrah khua le a kiima om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangte’ etteh dingin tawntung meikuang a thuak uh hi.

1 JOHAN MASA 4:17

Thukhen Ni ciangin kisuanna nei hetloin i omtheih nadingin eite in a cingtaak itna a nei ihi hi. Khrih mah bangin hih leitung i nuntakna-ah nungta-in gamta ihih manin tua bang kisuanna a nei lo ding ihi hi.

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh haltum a, Pasian a um lo mite’ thuak nading limin a bawl hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Luka 9:5

A inn uhah a hong tunsak nop lohna khua peuhpeuh panin na paikhiat uh ciangin amaute hilhkholhna-in na khe uha leivui bangte sinsan un,” ci-in a vaikhak hi.

Mattiu 12:36

Note kiangah kong genin-ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Marka 6:10

A zin dingin a hong deih inn khat peuhpeuhah tung unla, tua khua panin na paikhiat mateng uh tua inn mahah om paisuak un.