Marka 5:35 - Tedim Bible

³⁵ Tua laitakin kikhopna inn ukpa’ inn panin kamtaite hong tung uh a, “Na tanu si khinta hi. Bang hangin Siapa mawk gimsak nawn ding na hi hiam?” a ci uh hi.

Tedim Bible Revision 2017

³⁵ Tua laitakin kikhopna inn ukpaʼ inn panin kamtaite hong tung uh a, “Na tanu si khinta hi. Bang hangin Siapa mawk gimsak nawn ding na hi hiam?” a ci uh hi.

Marka 5:35 Referans Kwoze

Luka 8:49

Tua bangin thu a gen laitakin kikhopna inn ukpa’ inn panin kamtai khat hong tung a, “Na tanu si khinzo ta hi. Siapa gimsak nawn kei in,” a hong ci hi.

Johan 11:39

A phual a tun ciangin, “Suangtum likkhia un,” ci-in thu a pia hi. Tua ciangin misi pa’ naunu Martha in, “Topa aw, a kivui zawh ni li phakhin ahih manin uihta ding hi,” a cih leh

Johan 11:28

Tua khit ciangin Martha a inn-ah va tai-in a naunu Mary va huausim a, “Siapa hong pai a, nang hong sam hi,” a ci hi.

Johan 5:25

A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Marka 10:17

Jesuh in a khualzinna a zom dingin a paikhiat ding laitakin mi khat hong tai-in a mai-ah hong khukdin a, “A dik siapa aw, nuntak tawntungna ka ngah nadingin bang hih ding ka hi hiam?” a ci hi.

Marka 5:22

Tua laitakin kikhopna inn a uk, Jairas a kici mi khat hong pai a, Jesuh a muh ciangin a khe phungah bokin,

Johan 11:32

Jesuh omna munah Mary tungin amah a muh ciangin ama khe mai-ah bok a, “Topa aw, nang hong om hi lecin ka u si het lo ding hi,” ci-in a kap hi.

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Johan 11:21

Martha in Jesuh kiangah, “Topa aw, hih lai-ah a om hi lecin ka u si het lo ding hi.

Mattiu 26:18

Jesuh in, “Jerusalem khua sungah va pai unla, tua mipa kiangah, ‘Siapa in, “Ka hun hong naita hi. Na inn-ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 9:18

Tua bangin Jesuh in thu genin a om laitakin Jesuh kiangah Jew mi ulian khat hong pai-in ama mai-ah hong khukdin a, “Tu mahmahin ka tanu a si hi. Ahi zongin nang hong pai-in ama tungah na khut hong nga lecin amah hingkik ding hi,” ci-in a thum hi.

Mattiu 26:10

Ahi zongin Jesuh in hih thu phawk ahih manin amaute kiangah, “Hih numei bang nuammawh na hi uh hiam? Kei tungah a kilawm mahmahin amah hong gamta hi.