Marka 5:34 - Tedim Bible

³⁴ Jesuh in zong tua nu kiangah, “Ka tanu aw, na upna in nang hong damsakzo hi. Cidamsuak inla, lungnuam takin va ciah in,” a ci hi.

Tedim Bible Revision 2017

³⁴ Jesu in zong tua nu kiangah, “Ka tanu aw, na upna in nang hong damsak zo hi. Cidam suak inla, lungnuam takin va ciah in,” a ci hi.

Marka 5:34 Referans Kwoze

Luka 8:48

Tua ciangin Jesuh in numei kiangah, “Ka tanu aw, na upna in nang hong damsakzo hi; lungnuam takin na ciah in,” a ci hi.

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Luka 18:42

Tua ciangin Jesuh in, “Na upna in nang hong damsak khinta hi,” a ci hi.

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.

Marka 5:29

A va lawnkhit phetin a siluang khawlpah a, ama sunga a natna a damlam a kiphawk hi.

Sawltak 14:9

Amah in Paul’ thuhilhte limtakin a ngai hi. Tua mipa in damna a ngahzawh nading zahin upna nei hi, ci-in Paul in a muh ciangin limtakin amah en a,

Luka 17:19

Tua ciangin Jesuh in ama kiangah, “Tho inla ciah in. Na upna in nang hong damsak hi,” a ci hi.

Marka 10:52

Tua ciangin Jesuh in, “Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a paina lampi-ah Jesuh’ nung a zui hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

2 KUMPI NIHNATE 5:19

Amah in ama kiangah, “Nuamtakin pai in,” a ci hi. Ahih hangin ama kiang panin Naaman tawmkhat a pai khit ciangin,

1 SAMUEL MASA 1:17

Tua ciangin Eli in dawngin, “Nuam takin pai in. Israel-te’ Pasian in ama tungah na ngetsa thu hong pia hi,” a ci hi.

1 SAMUEL MASA 20:42

Tua ciangin Jonathan in David kiangah, “Ei tegel Topa’ min tawh kiciamin, ‘Kei le nang kikal, le keima suanlekhakte le nangma suanlekhakte kikalah a tawntungin Topa om ding hi,’ i cih mah bangin nuamtakin pai in,” a ci hi. Tua ciangin amah dingin paikhia a, Jonathan zong khuapi sungah a ciah hi.

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Marka 3:10

Amah in cina mi tampi damsakkhin ahih manin, Jesuh a lawntheih nadingun cina khempeuh in amah hong naih ciat uh hi.

Marka 5:33

Tua numei in ama tunga thupiang thei ahih manin laukawm lingkawmin hong pai-in a khephungah hong bok a, a thupiang khempeuh ahi bangbangin a hong gen hi.

Sawltak 15:33

Tua lai-ah tawlkhat a taam khit uh ciangin thu uppih lawmte in lungdam takin Judas le Silas, amau a sawlte kiangah a ciahkik sak uh hi.

Sawltak 16:36

Tua ahih manin thongcing pa in zong Paul kiangah, “Thukhen uliante in nang le Silas kong khah nading uh thu hong piakhin ahih manin lungnuam takin na ciahkhia theita ding uh hi,” a ci hi.

Jeim 2:16

note khat peuhpeuh in, ama pumpi kisapna bangmah pia lopi-in, “Khualum gilvah takin om in,” ci mawk lel le-uhcin bang phattuamna om ding ahi hiam?

Siampi Laibu 14:48

“Ahih hangin siampipa hong pai-in a vel a, a inn a kizut khit ciangin inn sungah natna a kizelh kei leh, tua ciangin a natna dam ahih manin siampipa in tua inn siang hi, ci-in gen ding hi.