Marka 5:17 - Tedim Bible

¹⁷ Tua ahih ciangin amau gam panin a paikhiat nadingin mipite in Jesuh a sawlkhia uh hi.

Tedim Bible Revision 2017

¹⁷ Tua ahih ciangin amau gam panin a paikhiat nadingin mipite in Jesu a sawl khia uh hi.

Marka 5:17 Referans Kwoze

Mattiu 8:34

Tua ciangin khuasung mi khempeuh, Jesuh kiangah hong pai-in amah a muh uh ciangin, amau gam panin a paikhiat nadingin a thum uh hi.

Marka 1:24

“Nazareth khuami Jesuh aw, kote tawh nang bang kisai ihi hiam? Kote a susia dingin hih lai-ah hong om na hi hiam? Pasian’ mi siangtho na hihlam kong thei hi,” ci-in a kiko hi.

Sawltak 16:39

amau mahmah va pai-in a va thum khit uh ciangin thong sung panin khahkhia uh a, tua khua panin a paikhiat nadingun a thum uh hi.

Luka 8:37

Tua ciangin Gadara gam kiima om khempeuh lau mahmah uh ahih manin Jesuh a paikhiat nadingin a sawl uh hi. Jesuh zong gunkuang tungah tuangin a ciah hi.

Luka 5:8

Simon Peter in hih thu a muh ciangin Jesuh’ mai-ah khukdin a, “Topa aw, kei mawhnei mi ka hih manin ka kiang panin paikhia in,” a ci hi.

Marka 5:7

nakpitakin kiko-in, “A Lianpen Pasian’ Tapa Jesuh aw, kei bang hong nuammawh na hi hiam? Kei, gim hong pia kei in, ci-in Pasian’ min tawh kong thum hi,” a ci hi.

Piancilna 26:16

Abimelek in Isaac kiangah, “Kote’ kiang panin paikhia in. Bang hang hiam cih leh kote sangin nang na vanglian zaw hi,” a ci hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei’ langkhatah bang thu nei na hi hiam? Ka khialhna a pholak ding ka tapa’ sihna a piangsak dingin kei kiangah nong pai hi,” a ci hi.

Thu-hilhkikna 5:25

Tua ahih ciangin bang hangin tu-in eite si ding ihi hiam? Hih mei lianpi in eite hong kangtum ding hi. Topa i Pasian’ awging za lai lehang eite i si ding hi.