Marka 4:8 - Tedim Bible

⁸ Adangte ahihleh leihoihna mun tu ahih manin hong po-in khang a, a zah sawmthum, a zah sawmguk, a zah zakhat dongin an hong piang hi,” a ci hi.

Tedim Bible Revision 2017

⁸ A dangte ahihleh lei hoihna mun tu ahih manin hong po-in khang a, a zah sawm thum, a zah sawm guk, a zah za khat dongin an hong piang hi,” a ci hi.

Marka 4:8 Referans Kwoze

Johan 15:5

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

Marka 4:20

Ahi zongin midangte ahihleh khaici pawlkhat a tukna mun leihoih tawh kibang uh hi. Amaute in Pasian’ thu za-in sang uh a, pawlkhatte a dingin a zah sawmthum, pawlkhatte a dingin a zah sawmguk, pawlkhatte a dingin a zah za khatin man a nei hi,” a ci hi.

Piancilna 26:12

Isaac in tua leitangah khai tuh a, tua kum mahin a zah zakhat la hi. Topa in amah thupha pia a,

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

Mattiu 13:8

Ahi zongin pawlkhatte, lei hoihna mun tu-in hong khang hi. Pawlkhatte in a zah zakhat, pawlkhatte in a zah sawmguk, adangte in a zah sawmthum a gah hi,” ci-in a gen khit ciangin,

Jeremiah 23:29

Ka kammal pen mei tawh ahi a, suangtum a satnenzo sek tawh ahi zongin kibang hi lo ahi hiam, Topa in kong ci hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Luka 8:8

Pawlkhatte, leihoihna lak tu-in khang a, a zah zakhat ciang dong a piang hi,” a ci hi. Tua ciangin Jesuh nakpitakin kiko a, “Zak nading bil a neite in hih thu za ta un,” ci-in a thugen a khum hi.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Marka 4:7

Pawlkhatte lingbulsum omna lak tu a, lingte hong selin depgawp ahih manin bangmah gahzo lo hi.

Marka 4:9

Tua ciangin Jesuh in, “Zak nading bil a neite in hih thu za ta un,” ci-in a thugen a khum hi.

Efesa 2:21

Tua inn sutpi Khrih pen inn-a a kilam khempeuh a puapi pen hi a, Topa a dingin biakinn siangtho a suah dongin tua inn a khangsak hi.