Marka 4:24 - Tedim Bible

²⁴ Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia ding a, a tamzaw-in hong piathuah ding hi.

Tedim Bible Revision 2017

²⁴ Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia dinga, a tam zaw-in hong pia thuah ding hi.

Marka 4:24 Referans Kwoze

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a neisa mipa tungah Pasian in piathuah ding a, a nei lo mipa tung panin themkhat nei-a a kingaihsut nangawn lakkhiatsak ding hi,” a ci hi.

Mattiu 7:2

Bang hang hiam cih leh midangte’ thu na khenzia uh tawh kizui-in note tungah hong khen ding a, midangte tungah na zat uh ngeina mah note tungah hong zang ding hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

2 KORIN NIHNA 9:6

Note in na phawk ding uh thu panin: Khaici tawm a vawhte in tawm mah la ding a, tampi a vawhte in tampi mah la ding uh hi.

Johan 10:27

Keima tuute in ka aw za-in thei uh ahih manin kei hong zui uh hi.

Paunak 19:27

Thuhilhna a mang nuam lo tapa pen pilna a thei kha lo ding tapa ahi hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Johan 5:25

A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Marka 9:7

Meii hong kai-in a liim in amaute hong liah a, tua meii sung panin aw khat hong gingin, “Hih pa, ka it ka Tapa ahi hi; ama thu na ngai un,” a hong ci hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

Jeremiah 17:21

Topa in hih bangin ci hi: Na nuntak nop lai uhleh kidawm unla, Sabbath ni-in van pua kei un. Jerusalem khua kongpite-ah bangmah hong lutpih kei un.