Marka 4:20 - Tedim Bible

²⁰ Ahi zongin midangte ahihleh khaici pawlkhat a tukna mun leihoih tawh kibang uh hi. Amaute in Pasian’ thu za-in sang uh a, pawlkhatte a dingin a zah sawmthum, pawlkhatte a dingin a zah sawmguk, pawlkhatte a dingin a zah za khatin man a nei hi,” a ci hi.

Tedim Bible Revision 2017

²⁰ Ahi zongin midangte ahihleh khaici pawl khat a tukna mun leihoih tawh kibang uh hi. Amaute in Pasianʼ thu za-in sang uh a, pawl khatte adingin a zah sawm thum, pawl khatte adingin a zah sawm guk, pawl khatte adingin a zah za khatin man a nei hi,” a ci hi.

Marka 4:20 Referans Kwoze

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Marka 4:8

Adangte ahihleh leihoihna mun tu ahih manin hong po-in khang a, a zah sawmthum, a zah sawmguk, a zah zakhat dongin an hong piang hi,” a ci hi.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

2 PETER NIHNA 1:8

Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.

Piancilna 26:12

Isaac in tua leitangah khai tuh a, tua kum mahin a zah zakhat la hi. Topa in amah thupha pia a,

ROM (Romans) 7:4

Sanggamte aw, note zong tua mah tawh a kibang na hi uh hi. Khrih tawh pumkhat na hihna uh hangin thukham tawh kisai thu-ah a sikhin na hi uh a, Pasian’ nasepna-ah eite a man nei i suahtheih nadingin sihna panin a kithokiksak Khrih tawh nupa na hi uh hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

1 THESALONIKA MASA 4:1

Tu-in sanggamte aw, Pasian’ deihna le ama lungkim nadingin bangci nuntak ding cih thu kote kiang panin na theihsa uh thute tawh kizui-in na nuntaksa uh ahih mah bangin a kicingzaw semsemin na nuntak nadingun i Topa Jesuh min tawh hong thumin ka hong hanthawn uh hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Mattiu 13:8

Ahi zongin pawlkhatte, lei hoihna mun tu-in hong khang hi. Pawlkhatte in a zah zakhat, pawlkhatte in a zah sawmguk, adangte in a zah sawmthum a gah hi,” ci-in a gen khit ciangin,

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.