Marka 4:19 - Tedim Bible

¹⁹ hih leitung lunghihmawhna, hauhnopna, le deihna dang a tuamtuamte in a thu khuhcip ahih manin bangmah suakkhia zo lo hi.

Tedim Bible Revision 2017

¹⁹ hih leitung lunghihmawhna, hauh nopna le deihna dang a tuamtuamte in a thu khuhcip ahih manin bangmah suak khia zo lo hi.

Marka 4:19 Referans Kwoze

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Mattiu 19:23

Tua ciangin Jesuh in a nungzuite kiangah, “A mantak a kong genin-ah: Mihau khat pen vantung ki-ukna sungah a lut ding haksa mahmah ding hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Isaiah 5:4

Ka leenggui lo a dingin ka hih nai loh ka hih ding a kilawm bang omlai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Isaiah 5:2

Amah in lei to-in a suangte paikhia a, leenggui hoihte a suan hi. A laizangah tausang khat lam a, tua lo sungah leenggahsukna khuk khat a to hi. Amah in leenggah hoih a hong gah ding lamen a, ahih hangin gam leenggah hong gah mawk hi.

2 PETER NIHNA 1:8

Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Thuhilh-sia 4:8

Mi khat in tapa ahi a, sanggam ahi zongin nei lo napi-in, a tawntungin na semin a neihsa tawh lungkim hun nei thei lo hi. Kua a dingin gimpi-in na sem a, a ututin ta hoh lo ahi hiam? Hih zong a mawknapi mah, a dahhuai nuntakna khat ahi hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Paunak 23:5

Na ngahsa uh sumte mitphiat kalin beimang thei a, muvanlai bangin thakhatin leengmang thei hi.

Paunak 23:4

Hauhnop man bekin sum’ sila suak kei unla, a man loin gamtakha kei un.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Marka 4:18

Mi pawlkhatte, khaici pawlkhat a tukna mun lingbulsum a omna leilak tawh kibang uh hi. Hih bang mite in Pasian’ thu a zak hangun,

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Efesa 2:2

Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

Efesa 6:12

Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi.