Marka 4:16 - Tedim Bible

¹⁶ Mi pawlkhatte, khaici pawlkhat a tukna suang kitawphah leilak tawh kibang uh hi. Thu a zak phetun lungdam takin sang uh hi.

Tedim Bible Revision 2017

¹⁶ Mi pawl khatte, khaici pawl khat a tukna suang kitawphah leilak tawh kibang uh hi. Thu a zak phetun lungdam takin sang uh hi.

Marka 4:16 Referans Kwoze

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

Sawltak 26:28

Tua ciangin Agrippa in Paul kiangah, “Hih hun tomno sungin Khristian hong suaksakzo dingin kingaihsun na hi hiam?” a cih ciangin

Mattiu 13:5

Pawlkhatte, suang a kitawphahna leidaina mun a tu hi. Lei thuk loin lum ahih manin a khaici popah hi.

Marka 4:15

Khat veivei lamdung a tu khaici bang a, mite in a thu za napi-in, a zakkhit phetun Satan hong pai-in amaute sunga a kivawh thute lakkhiatsak hi.

Marka 4:17

Ahi zongin amaute sungah thuktum lo ahih manin sauveipi kip lo hi. Tua thu hangin lungkhamna ahi a, bawlsiatna ahi zongin a tun ciangin a pukpah uh hi.